第一團......

真係個好唔好的經驗.....我差d就以後都唔駛旨意再帶團了....不過如果我係團友....我都火滾啦.....

話說三月既某個星期五...我帶住好驚既心情去公司取我o個團既資料...因為未試過o麻....真係唔係好識o的步驟....幾經辛苦....終於將資料取到手....一看之下.....43人????43??我真係處理到o羊???之後o係公司好努力o甘問o的師兄師姐過料.....佢o地好似講到好容易o甘....希望真係o甘易啦....o個晚返屋企call客講集合時間同地點....成十幾個party....打十幾個電話.....打o左成個鐘....之後又做o的執頭執尾既功夫....然後仲要趕住去接月仔放工喎.....其實同佢返到o黎屋企...都仲有少少野未攪...o甘我就快快趣趣o甘整埋佢...因為要陪月仔o麻.....費事佢o吾開心.....o個晚我好似十二點幾就訓o左.....不過訓得麻麻地o羅....可能第一次啦....好驚...驚o吾知我帶o的o野齊未.....

第二朝....幾開心o甘同月仔一齊出o左門口....真係幾開心o架....o甘多年既夢想終於成真...仲要男朋友送o左我半程....o個刻其實擔心既只係驚自己會做得o吾好o者....因為我個人o吾係幾識同陌生人打開話題...仲要兩日就斷尾.....真係好似好無謂o甘....不過工作o麻....仲要係自己最嚮往既工作....

去到尖沙咀....好開心...ok順利o甘等齊我o的尖沙咀客.....之後既沙田站同粉嶺站都ok.....係粉嶺站有少少問題o者....我有個客...上錯o左令一架旅遊車...個同事又係o架~~開車前o吾數客o既o羊???好在我o地兩架車到o係深圳西部o個個關口過關o者....o甘o米叫個客o係o個邊等o羅.....

點知過關既時候就出事喇...我o個團個領隊居然發覺無帶身分證o羅....真係想喊....點算????????結果打返公司負責緊急事件個同事.....佢話先同個導遊講...叫佢pick up返晒o的客先.....之後就極速返去取返個身分證...再用最快既方法上返去join返ｏ的客，點都好啦．．．呢團真係比錢出ｏ黎買個經驗啦．．．．

其實講到呢度．．．都ｏ吾駛知之後ｏ的野啦．．．一單已經好夠衰喇．．．其他的．．．好ｏ吾好得去邊．．．就算係普通既工作態度．．．客都係不滿ｏ架啦．．．最後收服務費ｏ個陣仲要比個客話未見過做得ｏ甘差既領隊．．．之後返到ｏ黎．．．真係ｏ吾想再做．．．覺得自己好似好ｏ吾得ｏ甘．．．無謂影響人ｏ地旅行社既聲譽．．．不過好多ｆｄ都話叫我ｏ係邊度跌低就ｏ係邊度爬返起身．．．我先勉強撐得住．．．都好多謝公司無炒到我，到而家仲比團我帶．．．不過我都預ｏ左呢單野將會加入佢ｏ地未來培訓時其中一個突發笑話．．．．

ｏ係度．．．僅以呢篇自爆網誌向ｏ個４３位團友致歉．．．雖然佢ｏ地未必看到呢段文字．．．浪費ｏ左佢ｏ地既假期真係ｏ吾好意思．．．但我一定會實行我對佢ｏ地講既最後一句說話：”你ｏ地既寶貴意見．．．會令我日後做得更好．．．．”