網誌分類：未分類 |
圖片
網誌日期：2008-09-05 20:42
距離預產期仲有6日!
今日下午去胡醫生做檢查, 已經是39週1日了, 有5.9磅, bb頭仔有2/5落到盤骨了, 不過bb仲係屬於細碼b, 唔緊要啦, 易d生, 最緊要係健康!
最近假陣痛有d嚇怕我, 心郁郁想做無痛分娩, 或開刀生, 醫生提我, 改變主意要趁早啦! 不過無痛分娩要加多一萬元, 嘩! 同開刀差不多wo! 我真係唔知生bb有幾痛呢? 我應唔應付得來呢?
今晚媽咪返左大埔, 阿鋒又要遲返, 得我自己一個留在屋企, 不過我唔覺得悶, 反而覺得很寧靜! 很享受!
之前買了dr browns奶樽, 昨天和今天消毒奶樽時, 才發現原來洗奶樽係咁煩, 而且dr browns奶樽的配件又多, 洗完一樣又一樣, 又怕過水唔清, 或者洗唔乾淨, 我洗野又唔叻, 洗到件衫又濕, 周圍泡, 攪到我忟忟憎憎, 想發脾氣tim! (無錯, 阿鋒話我次次做家務都發脾氣, 又一次應驗啦 )
bb出世之後, 媽咪主力幫我揍b, 而我諗我要日日洗和烚奶樽, 仲要洗尿布, 打掃屋企, 我日間要返工, 回家仲要做家務, 到時真係要諗諗, 請個家務助理, 或者要請工人了!
最近朋友打電話來, 都問: bb出世啦?! 每次我都答: 仲未! 我每朝都諗: 會唔會係今日呢? 無驚無險, 又過9月5日了! bb, 你會不會明天出世呢?
這是bb的小手臂, 還看見他的小拳頭!
