嵐嵐8個月大個女

7月6日嵐嵐已經8個月大啦!! 真係過得好快...好快...真係唔想嵐嵐o甘快大個女呀!! 點解?? 因為通常細佬仔未識駁咀既時候就最得意架,不過我睇嵐嵐應該係一個又惡又百厭既反斗星....唔係淨係我講架!! 你Daddy都係o甘話架! 到時就慘囉!!

o今日雖然冇幫妳慶祝到,因為幫左大姨媽同Gobby姨姨慶祝,所以借佢2個小熊熊蛋糕黎影下相啦!!

嵐嵐妳做咩黎呀! o甘眼瞓見到蛋糕一於小理~~都係瞓~~瞓~~瞓...

個蛋糕仔好得意呀!!

Happy Birthday to You!! 7月之星 (中間既樂樂只係客串)

係喎!! 點解o甘靜既?? 因為最嘈果2個瞓左覺,唔怪得之今晚嵐嵐係表哥屋企特別好瞓啦!!

溢溢表哥成個女仔o甘瞓覺要攬住d野架....

宇宇表哥.....發梗d咩夢呀?? 諗梗咩呀???

淨係得番樂樂表哥最精神,因為佢瞓左晏奏覺...

大姨媽屋企幾時請左個賓賓呀????

哦!! 原來係樂樂賓賓,唔使特登換左套衫襯埋個粉紅色地拖呀??....快d拖乾淨d呀!