網誌分類：未分類 |
昨日過左去堔圳探細舅父，他全家去左堔圳發展都好幾年，但之前d家庭聚會因為時間唔甲，我一直都冇現過身! 今日為大家介紹既主角好男孩就係 ... ... 我表弟啦!
細舅父有3個仔仔，最細11歲了，最大都係得15歲，我上次見佢地時仲係好細過! 今次見到他們都長高晒，而且個個都好乖! 過到堔圳出去食lunch，點知真係貴人出門招風雨，細表弟立刻以9秒9既速度幫我阿爸打傘，二表弟就幫我同細佬，大表弟就幫我阿媽，即刻心中叮一叮，加分!
根住去到酒樓，侍應送d汽水過黎，我平時就咁開左放支飲管就飲架啦，點知二表弟好快咁攞左我罐汽水，做表姐既我ok啦，比你先。點知原來表弟係攞張紙巾幫我地抺晒d開口位，表姐我真係失禮晒，平時都係攞起就飲，呢個舉動又加分。
食lunch啦，好鬼肚餓啊，但我梗係唔郁住先啦，等佢地大家開動我先出手架麻，表弟們都開動晒啦! yeah ~好野，到我出手食番個芋泥先! 點知係呢個時候，表弟就挾野食比我啦，細佬啦，阿爸阿媽啦! 表弟們就成程係咁挾野食比我地，你話丫，點可以又唔加分丫，見慣晒香港既小朋友，簡直係感動啦!
井中天 2008-07-17 19:47