颱風過後

呢次九號風球唔知大家覺得威力如何呢？
我自己就覺得呢次颱風既威力實在非常強勁！
點解？
因為打完風之後做o左兩日o既善後工作做到我趴o係度！！
自己做緊o既住宅十幾棵樹吹到歪黎歪斜甚至成棵打橫o係地下訓緊覺覺豬，
天台裝飾o既燈移位o既移位、爆裂o既爆裂、甚至連牆身D雲石都吹到甩埋出黎！
D單位就仲大鑊，幾十個單位窗框滲水，
唔係牆身油漆撲晒出黎就係衰到連地板都浸埋，
單位o既露台十居其九俾垃圾塞住變晒水塘，真係加多隻鴨仔就可以當BB池！！

結果返黎兩日就不停發現有野吹爛o左、影相、寫報告、接電話報露台水浸、除鞋、除襪、通渠、搞掂、著襪、著鞋、收倒電話話滲水、上去影相、寫報告、幫花王姐姐手、剪樹o既斷枝、執返D樹枝、鏟泥掘洞、扶直棵樹、鏟泥埋返個洞、整到通鞋都係泥、鏟泥掘洞、扶直棵樹、鏟泥埋返個洞、整到通腳都係泥、鏟泥掘洞、扶直棵樹、鏟泥埋返個洞、整到通身都係泥、搞掂、洗乾凈全身D泥、收倒電話話滲水、上去影相、寫報告、接電話報露台水浸、除鞋、除襪、通渠、搞掂、著襪、著鞋、接電話報露台水浸、除鞋、除襪、通渠、搞掂、著襪、著鞋、…(下刪九萬幾字)！！

呢次風球過後零舍多野做，若果每個風球過後都係咁o既話，
相信我屋企人好快可以拎恩恤金…