網誌分類：點點滴滴 |
圖片
網誌日期：2009-08-17 10:33
2009-07-26 台北自由行~出發~酒店篇
之前講過想去多次台灣玩，但係出發o既日期一改再改，今次終於都可以起行喇！今次只係得我同女朋友兩個人去，同埋今次o既機票同住宿都係女朋友用積分一力成擔！今次一心諗住去行街食o野買手信，所以我就(咪)o左五本旅遊天書，因為去五日四夜，所以我去埋大溪睇花田再去埋十分放天燈
。
今日因為搭 0815 hrs 最早o個班機去台北，所以我o地決定打的去機場，去到機場見倒港龍o個條人龍嚇 Q 死你啊！又俾人老點要去排條長龍，但係再經女朋友了解過之後我o地都係去番無乜人o既專櫃度寄行李，唔洗 3 分鐘就攪掂喇！仲有啊，我o地被 upgrade 坐 business class，咁大個仔第一次坐咋，跟住我o地就去整個快早，兩個人 share 一份，因為上機有早餐食嘛，早餐仲有得揀o添啊！坐得又唔頂腳，正！同埋去到台北都有大把o野食啦！1000 hrs 我o地就到o左台北機場，我o地仲可以早過人落機 o添啊，一落機我就去換台幣，而女朋友就去攪落地簽證，好快咁我o地就過埋關喇，買埋巴士票，我o地就坐車去酒店；1145 hrs 我o地好快就到o左我o地要住四晚 o既喜來登酒店喇，佢o地仲俾o左房我o地先啊，哈…咁就放心晒啦
！
我有做功課o架
台北咁多o野食，依家兩份食住個早餐先
好o野，商務商務商務
台北我o地o黎o左喇
o黎緊四日就係住尼度喇
感覺舊o左o的，但係地點好，一出門口就係捷運善導寺站喇，行兩步就係台北車站喇
自助早餐無我o地份啊
房門卡，車，我依家都有張啦，哈…
女朋友話要拍o左門先好入去啊
間房都幾大o架，不過無線上網要收錢呢
日日有生果食o架
我o地都有用匣萬o架
其他o既相可以入o黎自己睇o下o架
龍震天牛年運程 2009-09-02 00:03
Bon Bon and Ben Ben, 謝謝你們的回覆, 我和龍嫂後來商量過, 也覺得五千多元確是貴了一點, 所以現時再考慮其它的酒店.
你們的資訊確是很 informative, 謝謝你們呀!
Bon Bon 2009-09-01 21:20
樓下o既龍震天，十月一日o係紅假，逢紅假出發就梗係貴o的啦。喜來登話晒都係五星級酒店，外觀o黎講係比較舊o左o的但係內部經重新裝修過，而且佢係屬於國際性酒店集團，無論服務同房間o既質素都有返咁上下。如果你對酒店或航空公司o既要求唔高，其實可選擇搭泰航或一o的 boutique 酒店咁咪無咁貴囉。我見swire travel 都有o的 fix date 十月一日出發 4日3夜o既 package 都好平，你可以上去參考o下吖。
我唔係賣廣告o架，只不過我o係公司做開訂酒店機票工作所以比較熟少少，希望幫到你啦！
BenBen2009-09-01 21:26
龍震天，你真係有福喇，連我女朋友都親自覆你
！
龍震天牛年運程 2009-08-31 00:30
謝謝你的分享, 我想在十月一日去四天, 不過聽你說好像酒店舊了一點, 是否住得過? 因為我在 Zuji 網站看, 港龍加三晚喜來登要成萬一元港紙兩個, 價錢是否貴了一點?
沒有你那麼幸福, 商務機票還要是積分換來的....嗚嗚嗚....你這個女友識得過, 哈!
BenBen2009-09-01 17:16
酒店o黎講就真係 ok o既，住得過，不過如果要每人五千蚊我就覺得貴喇，五千蚊喎，好多地方可以去啦，唔洗去台灣啦！ 梗係識得過！！！
Joey 2009-08-20 21:11
BenBen2009-08-21 09:04
由航空公司決定o架，佢話經濟位滿o左，同埋可能商務位無乜人坐啦，所以咪 upgrade 我o地囉！