執番身彩

今日搵番嗰個人條屍.
我全日都响度唸:
好彩返左上岸.

唔係捲走埋我同芒果, 得番芒爸一個人就慘了.

我今日去睇醫生.
哩個醫生, 我一年都會睇佢一次
因為每年夏天游完水. 耳仔一入水, 就會發炎
我既左耳係有個洞架.
d水一入去, 就會响嗰洞度入左耳道

其實上次同芒爸游完船河
隻耳仔開始痛
我無出聲, 因為講左, 星期日就無得去玩.
今朝起身, 我同芒爸講: [我book左睇醫生]
嘻. 心水清既芒爸當然睇通睇透我d衰野啦.

唉. 大拿拿無左500蚊
(醫生會用儀器, 吸番我左耳的分泌體出黎)

**耳仔發炎既感覺係, 入左水. 但點"doun"都"doun"唔番d水出黎,   因為發炎後有分秘物留在耳道。然後仲會開始會痛

醫生話除左做手術補番個洞之外, 係無解決方法既
亦因為哩個原因, 我無得玩潛水

我又會唸: 古時d人, 無嗰部機吸番d發炎既水出黎, 又無消炎藥食. 一定好辛苦