布甸到家一周年

昨天11月18日，是布甸來到我家的一周年。

剛過去了的星期六，媽媽幫布甸攪左個預早慶祝BBQ，是晚很多朋友仔發特別嘉賓 - 小狗阿BOO黎參加，不過媽媽掛住食無影相，要等朋友仔SEND返D相俾我，大家先有得睇啦！

記得第一次帶佢返屋企GE時候，真係好狼狽，因我地買左個籠仲未送到，變左要抱住佢黎習慣家中一切。個籠送到黎竟然唔幫我地砌，明明買時話要砌埋俾我的！攪到大白兔一路抱住係咁郁的布甸，而我就努力研究點砌個籠。

那天好擔心布甸唔慣，因我地放左佢入籠後再將個籠放入房，成日走去睇下佢點。

成隻駝羊咁樣，伸長哂條頸~~

當時比較瘦了一點吧！不過都成3.7KG的啊！

過幾日終於俾佢出廳望下！

第一次周屋走

陪我上網

陪我過生日

今天，我買了一個高竇貓的罐罐俾布甸同佢慶祝，不過佢唔係好食，但隔一陣又返黎食，最後要媽媽餵先食哂。看到布甸現在繼續八卦倒蛋，雖然曳，不過有佢夠住我就開心了！最緊要布甸身體健康，日日大小二便暢通無阻，聽教聽話，咁媽媽就心滿意足了！

近日天氣轉冷，布甸媽身體又差起來，之前未寫的BLOG，睇黎又要押後再補。布甸晚上都要幫佢著衫訓，好怕佢凍親。昨晚布甸仲鑽入被窩中陪我訓，很開心，但怕整親佢而睡得不好，更令本來好返一點的感冒再加重返。加上昨日布甸媽返學，被課室突然傳來的某名牌子的香水味弄致鼻敏感發作(貓毛都唔會令我發作，但敵不過特濃香水味)，更加辛苦，連鼻子都因擦鼻弄損了！

大家記得保重身體！