保和島 Bohol 第一天

行程第一天

早上9點就出發去機場, 雖然班機係12點15分, 因為怕好似我老公之前坐宿霧太平洋去香港時超額賣票, 搞到要坐下一班機走, 加上check-in完, 可以到附近既地方食d野, 結果我地一行16人, 大大小小, 浩浩蕩蕩咁到達馬尼拉內陸機場, 呢個機場已經用左好多年, 成日都唔夠位坐, 如果菲航唔係搬去自己既機場, 我諗仲會更加迫.

Check-in完食埋野都11點15分就諗住入去等上機, 但一如所料, 冇咩位坐, 而當然例排遲飛, delay左半個鐘, 到達 Tangrilaran City (Bohol) 都已經成2點, 囉埋行李去到sun apartelle都已經成3點, 大家當然又再肚餓, 放低行李, 換好泳裝就去沙灘附近既餐廳食d野, 游下水.

我地去既沙灘係 Alona Beach, 個灘唔可以話靚, 但d沙都算幼, 不過就好多貝殼同海草係沙灘度, 而係個海就又唔少小隻魚, 海星, 海刺同埋見到水母, 係咁淺既地方都見同咁多野, 證明個海灘係好乾淨. 不過就要小心d.

晚上7點半就享受我地第一餐既豐富海鮮餐, 叫左大虎蝦, 一大條紅班同埋其他野. 但想食既海膽係呢三日都食唔到

待續