重新向十字繡進發

對上一次完成一幅十字繡 (cross-stitch) 已經係十幾年前既時, 而那也是唯一一幅. 當時岩入大學, 見到不少女仔係度繡, 都唔知佢地係度繡既咩. 後來去係唐人街果度見到間賣手工仔材料既舖頭, 就好奇咁入去睇下. 而我既迷團亦係果時打開左, 原來同學仔玩緊既係叫做 cross-stitch. 我之前從未接觸過呢一樣作品. 係間舖頭度我見到不少patterns都好靚, 咁岩我最好既朋友就就黎生日. 所以我打算繡一幅俾佢, 結果我居然揀左幅有成 8R 咁大既圖, 係 precious moments 一對好朋友係度嘆 high tea. 除左買呢幅圖外我也買左其他得意既patterns. 一個從未繡過既人居然揀幅成 8R咁大既黎, 我都好高估我自己既能力喎!

呢幅就係當年繡俾我好友既圖啦.

當然繡呢幅圖用左我不少時間, 但具體用左幾耐, 我又唔係好記得. 只係隱約知道自己繡錯左唔少地方, 要拆過再繡過. 不過當完成幅圖時, 果份滿足感都好大. 完成及洗燙後, 我就急不及待咁將佢錶起. 寄給呢位係美國既好友, 但隔左將近一個月好友仍未收到禮物, 我就好擔心份禮物唔見左. 後來郵局通知話份禮物退回原地, 原來我寫錯地方, 好友收唔到. 但我後來居然能將呢份禮物親手交給她. 因為佢翌年, 過黎馬尼拉探我. 當時佢收到緊係好開心啦, 因為係我第一次親手整份禮物俾人, 而佢就係第一個收到既人.

之後我斷斷續續都有繡過, 但沒有一幅係完成既, 返香港做野後, 我都冇再囉出黎繡, 搬返黎呢邊有人執屋見到好多自己當初既初稿, 我諗我應該要囉返起支針再繡過. 加上我呢輪係咁諗送咩俾細佬做結婚禮物, 我諗十字繡會係一份有心思既禮物. 呢幾日我係咁搵 Pucca 同 Guru 既結婚相, 居然又俾我搵到. 跟住我係咁搵可以將相變成十字繡圖既software, 居然都俾我搵到. 不過個像真到有D問題. 昨日, 同事見到我係咁搞, 就同我講佢有個咁既軟件. 希望呢個軟件可以幫到我. 好期待開始呢個作品, 雖然仲有成4個多月既時間俾我整, 但我想快D開工完成佢.