聖誕狂歡

連續三天假期，貪玩既我地又點會唔將節目填到密麻麻吖！

平安夜，一放工就出左旺角買餸打邊爐，最攪笑係屋主joseph居然唔記得帶鎮匙，而後備匙就放左喺................屋裡面。

聖誕節早上，我地去了同事suki新居，平時唔特別愛下廚既女主人，榮升鄧太後果然唔同晒，包括有可樂雞翼、牛肉餃子、椒鹽什丸、白汁天使麵，好厲害呀！

交換禮物就當然唔少得啦！

之後入左大埔林村打攪朋友仔lego，同一班手語朋友開party。嘩！無敵山景加超大田園，好正呀！可惜去到已天黑影唔到相，下次有機會要日間去過先得！

Boxing Day，先去了灣仔行聖誕購物節，跟住就去了阿Jay的新居。雖然我唔鍾意養狗，但阿Jay既歌姬-Gori真係幾得人鍾意。今次組聚好齊人，好開心呀！

而今日最後一天假期，我就先約了兩位媽媽朋友食tea buffet，之後會入青衣參加姪女彤彤既生日會。

一連三天去了六個約會，雖然好忙好倦，但難得可以同咁多朋友見下面，閒聊相聚，講下自己既近況，感覺真係好溫暖。

(P.S.這個假期所去既都是朋友既新居，各有各特色，好幸福呀！希望我地都可以

        快D搵到新居啦！)

再次祝各位聖誕快樂！新年進步！