時間唔夠用

唔係我唔想寫Blog呀  但真係好忙好忙

啲Blog愈儲愈多  一日拖一日  入左一大堆相自己都未睇過

唔知係咪上星期天氣太凍所以凍親

晴媽作病發燒病左幾日

雖然唔太嚴重  但就占寒占凍辛苦左兩日

為免病情加重所以都係早啲訓  完全無左晚上既私人時間

每日既下午都好忙  屋企有做唔完既家務

當我攪掂晒屋企啲野又要去湊囡放學  真係想摸下部電腦都唔得

又應承左幫Yannex妹織頸巾  夜晚臨訓仲要織一陣先可以訓

如果一日唔只得24小時就好喇  每日既時間都唔夠用

我真係唔想再寫過期Blog喇

死人yahoo又好鬼煩  成日有啲無聊廣告留言係到篤眼篤鼻

希望快啲可以整理下個Blog  好多野想Share 

可惜拖得太耐到寫既時候就無野想寫

已經係半個月前既照片

因為的的想飲晴晴枝奶  所以坐到好埋扮Friend





晴晴又愈攬愈實  的的開始變樣啦




最後又差點打交收場  不過佢地都係玩下o者

晴晴係的的其中一個米飯班主  點敢得罪佢丫!





由晴晴岩岩識行  已經好想買對日版Converse俾佢

不過真係太貴兼唔慌著得耐  所以睇左好多次都無買到

而家佢隻腳大定左  唔算大得太快  一對鞋都著到起碼9個月

嘻嘻  破例一次啦!!!

我覺得真係好靚架  買日版撞款既機會都大大減小!

幫個囡扮靚真係一件開心事~

如果有埋大人版可以一齊著就好喇!