芝娃娃行山團@09'重陽節

25.10.2009(Sun)

熟我既朋友都知  我一直都有同的的行山既習慣

不過自從有左晴晴之後

我跟大顆兒去行山既機會就小之又小

其實活動依舊一個月有一次  只係我一直都唔得閒去

每次睇番佢地玩完返黎既相  都攪到我恨到流晒口水

對上一次去行山  已經係一年前既事

真係諗起都慚愧兼對唔住的的呀~

我承諾往後既日子  我會儘量爭取出席

因為同你地仲有一大班Chi去行山真係超Happy呀!

而家諗番起都好回味呀!!!

唯有間中犧牲一下陪晴晴既時間啦!

雖然我知晴晴好想去  仲問左我好多次點解佢唔去得

不過我真係無咁偉大帶埋佢去行山呀  自己都未顧得掂

最快都要等晴晴4,5歲我都會考慮下既!

當日我一早就起身啦 平日返學都無咁早呀

懷住超興奮既心情同的的搭車入屯門

臨上車前我同的的講「一陣搭車你一嘈我就返屋企,唔去街!」

哈~~~的的今日搭左45min既車程一粒聲都無出過

都唔知係撞彩定係佢真係明呀!!!

一大班人加狗食完早餐就出發喇

今日有13人+11狗  想像到有幾熱鬧麻??




咁耐無係屯門行街  的的唔放過任何一個留氣味既機會




今日仲有可愛Baby一名

Baby媽咪係我地既資深隊員  大家一齊行左山5年喇

到大家都生左baby  佢都繼續積極參與所有活動

唔似得晴媽咁懶啦~~~

但佢有24孝老公幫佢揹仔行山喎  真係好堅架!

上山喇~~~終於自由喇!!!

解繩既一刻  困左一年既的的興奮到呢!!

我同的的都笑了...

咁耐無行山   6歲既的的依然精力旺盛

佢地都話的的依然無變呀  都係咁Fit

而晴媽呢~~~頭果段行百幾級樓梯真係有點腳軟

Warm up左之後我覺得都OK喎

不過好快就到第一個可以休息既地方喇~




休息有咩好做

咪又係狗狗們食零食既時候囉~




BB都要開餐喇

係啲咁舒服咁大自然既環境下嘆奶真係正!





休息完又繼續行行行

到左我地芝團既地標---若夢園

一班狗狗又可以係到玩  你追我遂喇!







地點  環境  人物依然無變

同一地方 同一Pose  又係哩班芝娃娃

每次行山都會係到影大合照  影左5年影過好多張喇!

睇番5年前既第一張   發現佢地真係唔識老架

大家既樣依然一樣咁可愛

反而係我地哩班主人變左好多!




介紹一下的的身旁哩位--Miss WaWa

已經係兩子之母喇

的的已經明戀左佢5年  每次出黎例必痴實佢




當然Miss WaWa係唔Show佢既






如果唔怕辛苦  帶埋晴晴黎其實會好開心

Baby見到咁多狗一齊玩都睇到係咁笑

如果係晴晴...我諗佢開心到傻左!





的的今日真係超開心

睇到佢條尾不停Fing  又好High咁狂跑 

仲有Iris姨都特登黎陪的的行山   一次過有好多開心事呀!





雖然行屯門哩邊唔係咩野好難行既山路

但沿路既風景都算唔錯  感覺好舒服





晴媽今日真係好開心

哈~突然有種感覺好似返番去以前

未結婚未有晴晴  仲好投入自己興趣既時候









成班Chi俾我地趕埋一堆  好似放羊仔咁呀~




哩兩隻就係WaWa既仔仔喇

兩兄弟感情超好  真係好似Twins咁 

連行路都要痴埋一齊行!




同一段路  我同的的都唔知留低過幾多腳毛呀




每到休息時間  都一定會係食零食時間

每次實會見到我家的的既蹤影

仲要每次都係排第一...




佢真係好好好好鬼為食架!!!




行到熱  排隊等落水時間...





我家的的唔多鍾意游水架

要我左氹右氹先肯行埋黎~




見到同伴個個都落水玩  的的唔知點好?




大熱天時行到熱辣辣  過一過冷河真係好爽





最後...的的都俾我地推左落水  游左一圈佢就上番水喇!




同的的一樣都係6歲  但唔識大既吉吉  哈~無眼睇!




亞B就得個睇字




今日晴媽講左N咁多次「真係好舒服呀!」







仲有的的咸濕仔相一張(兒童不宜呀!)

大家唔好誤會呀...

我地所有行山既狗都已絕育 

的的只係借位扮下野咋!!!





出世係有狗相伴既家庭

亞B同晴晴細個一樣  都對佢地好好奇   鍾意摸佢地既眼耳口鼻





好喜歡的的哩個樣

我家既衰的的   上山時永遠行係最前扮大佬

但到落山  佢永遠都等埋我架

每行一段路  佢就會返轉頭停低等我

就係哩種眼神   每次都係咁望住等我

無養狗既或者唔明   但我真係覺得好Sweet!




回程時再係若夢園停低玩下傾下計





行到5點幾就落到山喇

結束左小小攰但超開心滿足既一天

之後仲成班一齊去左食野添!

返屋企同的的沖完涼  晚上見佢訓到反晒肚既樣

我就知佢都好開心~

我應承你唔再只係陪晴晴  都要陪下你

見到你今日玩得咁開心 我亦會好開心

應承你下次行山唔會再係一年後既事  

以後有活動我都會儘量抽時間陪你去玩~