書展大戰５小時(二)

講返今次的Talk Show，有位帶住個口罩的稀客行埋嚟叫我衰妹，抬起頭望望，原來係細舅父，我呆了：你嚟了！(早一晚佢話要返夜，朝早收工)，點知佢話見係我先嚟，好sweet。咁又係，我地入咗資料庫成十年，佢出席的次數一隻手都數晒，佢見我要做野，講聲bye就走了，哈哈，平時好少見佢，遲些call佢先得。

資料庫分兩個互助小組，我地FAP每次攪活動都有賴聯絡大人的出手，先會有廿零三十人參與，係咪我地攪得唔好唔吸引，還是其他原因？我同Ran仔有時都覺隔離個組好似齊心過我地班Member，諗心一層唔緊要，大家再加油再諗多些。

其實今次我地都無咩要幫手，好多事情已由資料庫方面安排，見到有80幾人出席，真係好開心，正如今年步行的口號＂你的參與是我的動力，伴我繪出生命的彩虹＂我又在賣廣告添。

活動完了，大家收好檔就去Tea １Tea，今餐多謝兩位靚女請客，好期待下次的海鮮餐。

忘記了，有朋友提我地的街招貼到歪歪斜斜，下次我地會留意及改善。今次要何醫生落埋手，真係有些唔好意思，好在有佢的帶路，否則連我地都貼到迷路，事關瑪麗大到成個迷宮。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

我同Ran仔細細粒就去咗書展，行了五個鐘，最大的收穫又係我，五本食譜一本心靈書，行到十點真係頂唔住，第一次聽到Ran仔喊肚餓，最後決定搭車出旺角醫肚，嘩，成十一點先食飯，勁！急急食飽又要趕尾班車，幸好我遇到有偷雞旅遊巴，半個鐘就返到屋企。

我的收穫

簡單一餐已好滿足