優閒的週日

痛咗個幾兩個禮拜，今日終於好咗好多，回想過去的一個星期，真係不似人形，我仲多了一個花名，豆腐一號已經夠慘，宜家仲要係豆腐渣一號(工程)，唉。

最攪笑係同Ran仔的對話～～

我話：豆腐渣產業，建築師(醫生)放假，無辦法啦！

Ran仔：錯，你的建築師轉了行

我話：吓，轉咩行？

Ran仔：你的建築師咪係你媽咪～

我話：咁又係，醫生係負責修葺我地這些建築物。

咁爛的笑話就足以令我苦中作樂，哈哈哈

～～～～～～～～～～～～～～～～～～～～～～～～～～～～～～～～～～～

最近一嗰成日說的係＂開窗＂，仲要嚇親朋友，最衰又係Ran仔啦，教我講；平時做野比人激親，我最多喊＂比條繩我＂，點知Ran話就嚟要開31樓窗，可惜我嗰度得11樓開窗唔死得；熊貓小姐，其實無咩野，我地都係呻下。

～～～～～～～～～～～～～～～～～～～～～～～～～～～～～～～～～～～

工作的變動

由 24/8  開始，我地的工作時間轉為 9:05 至 6:30，即係返早十分鐘，遲半粒鐘收工，返多的時間用嚟補返禮拜六唔返工；其實對大家嚟說都係好事，咁就唔扣人工(no-　pay leave)，但對我地忙的部門嚟說，平時一至五Office Hour 忙到死，無咗禮拜六的時間清下手上的工作，唉，大家唯有夜些收工，有時九點十點先收工。

其實咁都好，生意好了先唔洗減薪，公司仲唔同我地計今個月放了的SAT，糧照樣出比我地。