忙忙碌碌又過了一個禮拜

成個禮拜都無 UPDATE 個博客，這段時間發生太多太多野啦，都唔知從那裡說起～

不如講返個睡眠窒息的測試，我覺得筆錢洗得好抵，哈哈，因為間醫療公司會交比專業醫生睇個D數據加上我身體近況，寫返個報告比我的家庭醫生，三日就出了報告，本來諗住返診所睇結果，但姑娘話太多人感冒啦，無咩都係唔好去診所，佢好好人提議等醫生睇晒個報告先，再打電話同我講，哈哈～遲些再返去詳談

結果：輕微的窒息症，唔大問題，但鼻鼾聲超大，可能係入面腫脹所致，都係個句啦＂減肥＂

===============================================================

第二件突發的事，其實係一早安排了，只係我唔知，就係禮拜四，二舅父入了QM做手術，表妹可能怕麻煩我啦所以無同我講，好在細舅父打比我。

有何醫生開刀，我都唔太擔心，今日約埋細父一齊探佢，心情好～～，不竟多年無見，真係唔知點講，雖然大家都對佢做的事心淡心灰，說佢自己抵攞嚟，唔值得我地幫，但當我見到佢臥床的死魚樣的時候，心裡的怨恨好似消失了，不竟大家都係一家人，邊有一世仇恨。

二父無情情眼濕濕同細父講：大佬對唔住你地～　細父應佢，你最對唔住係一對仔女，宜家你都係靠個女照顧你，以後好好做人。

錯與對都過去了，佢諗咩我真係唔知，二父不停話怕有事，怕嚇親心臟有事的舅母，所以走了十年，老實說，怕就可以拋棄家庭，怕就可以找女人，作為佢的外甥，我都唔幫佢，咁多年嚟，最辛苦只有舅母捱大兩個女，宜家佢有事就返嚟。但今晚見到舅母嚟睇佢，我真係無野講。

今日佢都無cancer，真係佢的運氣，何醫生可以幫佢做預防手術，希望佢以後生生性性，定時覆診檢查，唔好再走咗去

===============================================================

踏了當年住過的病房，碰上照顧過我的姑娘，翻起我收收埋埋的心情，想起這十年發生過的事，原來我仲未放得開。今日還活著，算不算好彩呢，但幸福不是必然，我都要好好珍惜