我的至愛

今日去玩具店買咗份小禮物比老闆的BB仔，因為佢和我同一天生日，老闆唔肯帶仔仔返公司，但佢知我好喜歡BB肯比相我看，轉眼就一歲，仲越嚟越似老闆好得意，希望佢鍾意份玩具啦！

點知發現我的第一號至愛"Rascal The Raccoon"，雖然係Hello Kitty扮牠，但我見到當然唔捨得放手，最後又放下百二蚊帶牠回家，真係好肉痛。好多朋友都唔明我點解咁鍾意這隻野（仲叫佢做狸貓），我要不斷聲明佢叫小浣熊，是宫崎駿的筆下作品，年紀仲大過我，佢係1977年出世，宜家在香港同日本都好難找到佢的蹤影，所以朋友話我生日就好頭痕，其實真係不用，我寧願把花在我身上的心意轉化為善心做善事。

打打下就零晨，達入９月８日，今年生日的願望係大家身體健康，開開心心，事事如意。