十年

同事食飯傾開計，無情情計下在公司做了幾耐？哈，我都十年了，一段不短的日子；講起公司，有好好的老闆，有班支持＆無當我是另類的同事，其實這點好重要，因為我知有些公司真係會找藉口炒走有病的人，我算好好彩，不用瞞住公司，有佢地我先可以真真正正面對個病，所以工作幾忙，減人工都好，要加班都唔緊要，同公司唔會點計，有時都覺自己好傻，唔舒服都返工，成日要Ran仔佢地擔心，但我知腸胃的問題時常會咁，唔可以郁下唔返工，宜家一年只少請三四日返醫院，仲唔夠咩，其實我都係想自己同普通人一樣過生活。

＂十年＂給我好多回憶，媽咪走了十年，屋企大大少少的變化都由十年前開始，認識何醫生資料庫＆ FAP又係十年，有時我想無佢地，今日我可能唔會棟企度，計起嚟十年嚟我都做了好多好多新嘗試，圈子大了，主動咗好多，雖然對個會無咩貢獻，但有時間的我都會出分力的，從中盡可以學到好多野，可惜屋企人唔多出席資料庫的活動，有佢地的話我會更加開心。

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

早幾日細舅父話要返工嚟唔到25/7的講座，唉好失望。順道講了佢二佬的事，叫佢有時間就搵下住隔離的表妹啦，始終表妹無接觸過我地的病＆資料庫，要佢照顧個老豆，好多野都去面對解決，我地要多些關心同支持；細父都好乖真係有做，只可惜表妹聽唔到電話響，佢擔心咗成日，但我又怕打電話比佢會增加佢的壓力，所以就send message比佢，個傻妹反過嚟叫我唔洗擔心佢。

宜家我地真係無咩可做，一齊都要等，到時報告出咗先再想啦。對二父的不是，我學懂放低，放下怨恨，對自己都係一件好事。