繁忙的星期六

一早去了荔景揍樂琳，由於姑丈姑媽要返工，家大剩得工人，我就諗住帶琳琳猪去玩具反斗城玩下先，點知琳琳太掛住公公，竟然唔肯去，只要快D上公公屋企，真係無奈～路過吉之島買了兩個燈籠比佢同熙熙，我本來想買多幾個比小朋友，點知琳琳話佢地係BB，唔識玩所以拉我走～～講野叻到不得了，真係比佢激死

吃喝玩樂的時間過得好快，睇住幾個BB真係好開心，本來約了師傅八點幾送部機上屋企，十點就等師傅幫我SET機做睡眠窒息症的測試，幸好佢地時間許可下，延至夜晚十一點先一次做晒，咁我可以在姑媽度食埋飯先回家，哈哈，未夠八點就離開將軍澳，都未過九點咁早返到屋企。

第一時間當然係沖涼，做埋家務，飲少量的水，因為測試公司的職員一早同我講，駁了機就唔可以行架，所以要做晒應的野，等師傅嚟啦～

原來駁機都攪成粒鐘，因為頭頸身手腳加埋要貼成廿條線，貼到我都差些睡著，幸好總算順利完成，今早就除晒D線去廁所，哈哈，無野綁坐一身舒服晒～

好野，瞓醒第一時間搣晒所有感應器，真係一堆垃圾咁～～

宜家只要等人嚟收返部機就得，咁就唔見了3.6隻金牛，但為身體著想，無辦法啦

快些攞走去～