飲咗水未?

這兩天，我同Ran仔都會問對方：飲咗水未?

諗起想嚟我都幾曳曳，做起野嚟一日先飲兩杯水，廁所可以唔去，但我真係唔覺得有問題，但經過大前日的site visit，我終於醒覺，哈哈，人始終要比人話下提點下先得。正如何醫生話齋，要靚就要飲多些水，一日飲咁少水點得，好似佢咁，診症時都會放兩杯水在枱頭，咁又係我講甚麼忙啊，公司人多要等好耐，通通都是藉口；加上另一位朋友說出朋友的故事，後果可以好嚴重，挨壞身體就知。

其實都係的，好似我咁無咗條腸，存量細咗，去廁所的次數理應比正常人多，但宜家忙起嚟就習慣忍，日子耐了真係發覺身體多了唔舒服，但又講唔出咩問題。覆診時忘記問，見行山當日有機會就問下何醫生，點解某些位會無情情作痛，行又痛坐又痛，痛到入心入肺...

可能我都要學下放鬆，唔好太緊張，工作時唔好咁勞氣，但最尾個點可能好難做到，以今日為例，我已發了好多把火，面對同事同我說忙啊未看未做，我就嬲到差些爆炸，我唔忙啊，我唔駛做咩，難度我叫得閒！我唔係一個野蠻人，深知大家都忙，但時間唔等人，生意唔等人。講一次係咁，講十次又係咁，忙可以唔睇清楚張單就比我，簡直靠害，我做比錢的一關，就要花好多時間睇佢地的文件，天啊！做Miss咩，改簿.....

近日，我的心情差了？咩都好急，為了工作攪到自己咁，值嗎？

係時候提下自己放鬆放鬆～

＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊

Ran仔的手指中了木馬程式，壯烈犧牲了；我在Site Visit當日影的相都有好大機會面對同一命運，宜家等IT部的同事幫我睇下有無得救，希望希望有好消息啦

回報，我今日飲了三枝500ml 加三杯水，應該夠數啦