我的lee lee lam lam

星期六過得好充實，一早揍了樂琳去搵愷琳，哈哈，平時我都叫琳琳，但兩位琳琳一齊的時候，我就會咁叫，但點小心都無用，我這位姨媽同姑媽就會製造好多笑話，例如：同大的琳琳換尿片，明明叫佢瞓低點解唔採我，＂愷琳做咩唔聽話！＂家姐聽到走嚟笑我，這個係樂琳....愷琳係廳玩緊；當堂叮一聲，係喎！叫錯了，衰妹明知我叫錯，唔出聲仲要背住我偷笑，攪到我要重複一句＂唔好意思囉，乖乖地換片啦。兩位可愛的小朋友已攪到我暈得一陣陣，今舖真係lee lee lamlam。

樂琳可以同琳琳妹妹玩好開心，仲扮大個：＂你乖乖啦，家姐推你..."

樂琳：食飽就要飲水，咁先乖架，等我嚟餵你飲啦（扮晒野，轉頭就曳曳）

樂琳曳咩野，就係攞愷琳表妹的米妮電話玩，佢話借下啦，奇怪的事就發生，其實七個月大的愷琳唔知係唔識玩or唔鍾意，總知平時唔著緊的玩具啦，一見表姐攞咗就變大喊十，嫲嫲抱都唔制，我出埋部部落地無耐的三星M8800H，佢都唔要真唔識貨，平時連樂琳我都唔比玩的。我諗可能平時無咩小朋友同佢玩，所以覺得成間屋的野都係佢，所以咁小氣，但唔緊要啦，我地慢慢向佢灌輸正確的野啦。

我地去了揾愷琳媽媽，之後飲茶茶，順路帶樂琳去公園玩咗一陣，可惜愷琳仲細無佢份，再去玩具反斗城....五點鐘各自回家，好倦好倦的一天。

點知尋日收到愷琳入了醫院的消息，嚇死我。原來傻猪發燒，退了又燒下，入了醫院檢查都係咁，身體又無咩野，所以住了一日，細佬同老婆尋晚十二就要求出院，其實咁都好，返到屋企傻猪先可以瞓到覺，希望快些無事啦。