網誌分類：未分類 |
港 台 明 星 鬥 快 拎
ANYA HINDMARCH $120 潮 袋
真係不得了, 連我阿媽昨日收工行過cwb個頭都打個電話黎話我知有好多人排隊買呢個anya環保袋.
睇下報紙, 當中有好多都有10幾歲既學生. 咁係既, $120一個名牌袋, 學生都應付得到, 不過真係好怕見到成班mk拎住既時候, 感覺會係點
不過, 我更相信有好多人去排, 係因為想拎上網炒
唉, 點解要咁做呢? 人地出個袋, 係想宣揚環保意識, 你就拎去炒炒炒
好采, 我唔洗排又唔洗炒.
個時細個, 我都無咩環保意識, 之後讀過biology, 政府呢幾年又係咁宣傳環保既重要性之後, 我真係用少左好多膠袋. 係, 你去買d野, 個間一個, 呢間一個, 拎到返屋企, 隨手就扔, 好浪費姐.
後記: 唉, 今日睇報紙, 又話台灣人踩人, hk個邊排隊又極之混亂, 我仲見到有地盤佬又排埋一份........真係幻想唔到, 如果行出街, 同個地盤佬用埋同一個袋會有咩感覺. 不過, anya呢次既宣傳可謂極之成功, 因為好多不同年齡階層既人, 都識左呢個牌子.
