洋仔birthday

今日約左家姐同洋仔去剪頭髮

真係好難先可以去剪頭髮 因為瑩b佢點都要痴住我

今次咁多人去 有人幫我睇住佢 我都剪得安落d

約咗大家係大家樂食午餐

之後就去整頭喇

到我要洗頭果時 瑩b點都要跟住我

最後洋仔陪佢玩先至唔理我咋

到我差唔多剪完果時 瑩b佢跟婆婆同洋仔走先

佢肯跟佢地走 都係因為比面個生日蛋糕咋

(因為佢地去拎蛋糕)

剪完頭髮又去咗另一間到染頭髮

因為家姐話咁樣平d喎

我又係好耐冇染過頭髮喇 以前唔得閒出去染 都會買野返屋企自己整

而家連自己整都懶呀 所以搞到個頭都唔知想點咁

家姐係咁叫我染深色d 話褪咗色都唔覺喎

但深色既 我又唔鍾意 染得咁深不如自己整 (染番黑咪得囉>.<)

整完頭 陪佢去診所 之後去咗買d日用品

就各自走人 原本佢叫我搭van仔

好彩冇搭 因為我返到fw 佢竟然仲係北區公園附近

因為佢要同佢老爺慶祝father's day 所以冇等番fw

我地叫咗pizza外賣 食到勁飽又食蛋糕

瑩b一見到個蛋糕就雙眼發光咁款囉

瑩b好似以為佢自己生日咁樣

吹蠟燭都要吹兩次 洋仔吹完到瑩b吹

佢最開心既都係呢一刻

到食蛋糕喇 瑩b佢只係食d朱古力>.<

呢個蛋糕真係麻麻地 有雪櫃味既 >.<

我全完食唔出蛋糕係咩味 只係覺得好勁雪櫃味....