無啦啦畀人捉咗入渡假村...

同一個月內，忽然去咗兩個好陌生既地方．

上次勇闖南澳，今次被放逐南非．．．

如果唔係 standby 畀人捉，我係屎都唔會去依個鬼地方既～～

南非唔係多鬼故，而係多比鬼故更得人驚既真人真事．

佢被列為全世界罪案率之冠，真係名不虛傳，去到嗰度，真係無時無刻都覺得生命財產受到威脅！！

除咗外在既客觀因素，酒店既安排亦係我唔願意去既主要原因之一．

有人會覺得依間酒店有 resort feel，但我就感覺自己入咗ｘｘ渡假村咁．　佢唔止設施簡陋，仲有蛇蟲鼠蟻，可以用”原始”黎形容！！　身處其中，諗番起細個跟學校去 camp，去到一個荒山野嶺既地方，每座營舍相隔一段距離，夜晚黑麻麻街燈都唔多支，大家都唔敢周圍去．

南非開始入春，渡假村四圍都會見到開緊花．

朝早起身無野做，見陽光普照，一個人膽粗粗四圍行，影下相呼吸一下新鮮空氣．

渡假村入面有網球場同泳池，不過唔見有人用．．．

行下行下，去到渡假村既 reception，入面既裝修懶係 grand 咁，同出面格格不入～

好在被放逐既日子過得好快，無驚無險又可以返歸啦～～