砌不完的模型

上圖所展示既係姨婆送畀一丁既生日禮物，因為體積大，所以一直唔拎出黎玩．

今日見得閒少少，盒模型終於重見天日．

本來係小兒科既野，係一丁從旁”協助”之下，變成砌極都砌唔完．．．

我一邊砌，佢一邊拆．

幾經辛苦，又"TUM"又鬧，仲要不斷分散佢既注意力，我終於完成左啦～

咁難得既歷史性既一刻，當然要即時影低佢留念啦～

一丁玩左幾耐？！　影完相已經不斷慢慢咁畀佢分屍啦．．．

粗暴既佢，一手抽起成個警察總部，就好似哥思拉襲地球咁．．．

轉眼間，一切化為烏有，片地殘骸．

因為座模型已經體無完膚，加上入面有Ｄ微細既組件，所以一切都返到起點．

為免再次勞氣又傷神，我都係決定唔再砌啦．

其實盒面寫住３＋，仲未適合佢玩，都係等佢大Ｄ識玩個緊先算啦～