記錄

四月嗰時整親隻右手手腕，到而家都未好番得哂，成日都暗痛，

呢兩個月成日都打羽毛球同上拯溺，都唔知有冇影響到個傷勢，

好想快D好番呀，唔係打唔到最好嘅羽毛球。

今年拯溺嗰邊要快D考哂D野佢啦唔係，我個銅章就過期啦，

要再考過又要俾錢，我要拯溺教練成為我嘅目標之一，

其中一個目標係全青拎多一年攝影獎，已經冇左啦，

要同自己定多的目標。

向有睇我個BLOG嘅人仕提介一D幾好嘅野先，

第一就係玩具-----------------------劍球，

劍球又名劍玉係日本一樣小玩意，以我所見同搖搖係有得揮；

第二係手痕系列--------------------無限開罐，

同個名一樣意思，就係平時開汽水罐嘅無限版；

第三係漫畫-------------------------魔王JUVENILE REMIX，

講主角用弱雞嘅能力去同敵人對抗；

第四係一個人----------------------Michael Jackson，

好多人對佢嘅印象就係樣衰、整容怪、變態等等，

佢在我眼中佢係一個努力嘅人，一個咁努力嘅人，

點解我地要用有色眼鏡去睇佢，未必個個人都係咁，

但總會有一D思想過偏嘅人會咁諗；

第五係運動-------------------------乒乓球，

好多人都有打過下乒乓球，但都係喺求學時期，

乒乓球係喺拍類運動中算係運動量最少嘅一種，

同其他拍運唔同佢移動嘅地方唔多，命中率又高，

對於少運動嘅香港人來說非常合適，唔洗話上網約戰打羽毛球，

又成日打唔中令自己有自卑嘅想法。

以上係我推介嘅野，有興趣請自行去找尋係邊到有得打、買、BOOK、睇。