6.30 食野啦~

地獄咖喱 餐廳：銀座二丁目咖喱

我也想發表文章

  貝嘉 幕後製作人

壽司、天婦羅、刺身是貴價版日本料理，咖喱飯是平價版日本料理。九龍城有間抵食日式咖喱專門店，午膳時間如學生飯堂，碟頭咖喱飯二、三十元有交易。咖喱粉直接從日本入口，日本著名秋田小町米則由在中國東北種植，加上日本公司新鮮做的香港豬扒，平價得來有質素。

咖喱汁撈飯只是十數元，有紅蘿蔔、薯仔及洋蔥等熬出真味，無添加其他材料的咖喱最純正香滑，不太辣也不太甜，天天吃很開胃，無肉咖喱也可減肥。我愛此店任選單品配搭，十足燒臘店的雙拼、三併或叉雞飯加隻鹹蛋，也可增加辣度，$2加大辣，$4便可加到十八層地獄極鬼辣，任何滅火措施也要廢武功。

我和友人叫了招牌吉列豬扒咖喱飯、芝士手作漢堡扒咖喱飯及地獄鬼盛咖喱飯。

招牌吉列豬扒咖喱飯，香脆肉嫩的炸豬扒是日式地道風味，切成條狀的豬扒咀嚼方便。粉底有乾濕兩用，吃炸豬扒也可以「乾濕兩用」，夾起豬扒只點一邊咖喱汁，另一邊不用點，因為太多咖喱汁會蓋過炸豬扒的香味，完全不點咖喱汁又太過熱氣，點一邊能夠平衡兩種口感。

芝士手作漢堡扒咖喱飯，手作漢堡比雪藏貨色鬆軟，芝士溶岩流入漢堡扒，我毫不客氣地將芝士攪溶於咖喱汁內，鹹鹹甜甜，非常惹味。

友人叫了大食怪專用咖喱飯——地獄鬼盛極鬼辣加大版咖喱飯。有加大版白飯、吉列炸蝦、吉列魚柳、吉列海鮮薯餅、手作漢堡扒、煎蛋，再加地獄極鬼辣，大碟得有點浮誇。炸蝦用用麵包粉包著炸，不似天婦羅粉漿薄弱，質感厚又香口。地獄大、地獄辣、地獄炸，你有膽入地獄嗎？

去完地獄上天堂，吃個清新蔬菜沙律平衡油脂，蕃茄、青瓜、生菜及薯仔固然新鮮，日本地道沙律醬入口即溶不會漿著嘴，且低酯微酸又開胃，普通沙律醬則較為肥膩飽滯。

忽然痴起條筋想去尖沙咀飲茶，同兩個同事專程過海去魚翅城，聽講有個堂弄一窩魚翅約六十幾七十，見枱枱都食梗係要試下.....三人一窩咁大把！

之前諗住cheap cheap的翅碎為主湯芡多過乜，點知來到真係喜出望外喎，我地三人分食都有大半碗，而且每匙都有片片的魚翅吃，你話係靚翅咩都係呃你啦，不過叫做有得成梳咁食淨係口感都值啦！

仲食咗其他點心，最愛食個甜品係蛋散，雖然唔夠農圃的香脆但甜得來唔膩的味道我一人食晒成碟都得