Grandpa

諾諾Grandpa已經住咗e院十幾日喇.  佢以前係軍人同運動員, 所以膝蓋久唔久會痛, 係舊患同老化, 佢已經七十四歲lu, 但係一個非常精靈o既老人家. 

星期日我地去e院探佢, 見佢咁精神, 又住咗e院咁耐, 醒起我生諾諾時, 出院前一晚因為好掛住茶茶叮叮, 同埋諾諾番屋企後, 我唔再可以好似以前咁同佢兩隻野玩, 所以我偷走咗番屋企, 同佢地玩咗陣先番屋企.  我建議佢偷走出去食lunch, 佢已經好耐有食Fish n Chips, 我即刻問個英國朋友介意新界邊度有正Fish n Chips食, 呢d英國野問番英國人實冇錯嘛, 問到西貢白沙灣有間Hebe one o one.

原先我叮咗rooftop, 個景好靚. 但真係好熱, 落番一層舒服好多.  我真係唔細心, 一心諗住比grandpa晒下太陽 (佢幾鐘意), 但完全冇諗過佢隻腳唔應該行咁多樓梯.  仲要佢行上行落.

諾諾同grandpa好friend, 識得叫佢papa.

模仿力好強o既諾諾, 見到爸爸食面包沾 vinegar, 佢又學, 真係叻仔

Grandpa食呢餐lunch食得好開心, 真係冇帶錯佢黎.  希望佢快d康復, 長命百歲.