網誌分類：紫想婚 |
今日一放工去左法國婚紗，因為約左今晚揀相啦...不過喱喱要由屯門放工出黎, 好彩有佢同事車佢去大圍咋, 一去到就有人service我, 立即比左d相我睇下先, 唔鐘意個d就可反轉佢, 但我又想等埋喱喱先, 好彩個姐姐都好好人無厭我煩, 比我睇住第二d先, 隔左一陣喱喱到左啦, 可以一齊揀啦....由於之前係幸福宣言要晒所有相, 所以呢間唔會再比錢加野...要狠手d...哈哈
好快咁我地揀左雙人相.......不過我地唔係個個景都要, 有d實在要唔落手...例如佢地天使翼同月亮標誌..我地一早協議係唔會要, 因為唔係我地想要既style...哈哈, 反而影樓景d相幾好....揀左一個鐘左右.....最後係揀到22張package之內既相....一張相都無加過...好勁丫
最後係3張男單人, 7張女單人和12張雙人相...
之後開始揀油畫相 20x24 1張
08x12 相部一本 x 19張
08x10 相2張
05x07 相2張
10x12 相1張
05x05 相部1本 x 15張
提名冊相1張
其實所上呢d相都係在22張相內揀出來的...
個姐姐好好人架, 比左好多意見我地, 可能因為佢做左咁多年對邊d景放油畫好d...邊d相放咩size好d佢都已經掌握晒, 之後姐姐有問我地加唔加costing啦, 相薄水晶面呀同埋upgrade相框...我地都會一致答no...no...no...哈哈, 不過姐姐無黑面喎, 唔知點解d網友成日話佢地會黑面呢, 又或者我去個陣係月尾, 佢已經跑夠數啦...哈哈~
仲有呀, 佢地好好架...唔駛我地提都會叫我地係相板後面簽個名, 之前睇過其實 jm既post都係提及, 話發覺收相個陣唔對路可以對番之前簽過既相板....所以我覺得法國都幾pro...因為佢地都係保障客人同自己公司...到時收相無得口講無憑麻..
, 跟住再話埋比我地知幾時有相收就同我地say goodbye啦, 最後比番d單我地先介絡自己囉..好攪笑, 佢叫Clara呀...好nice架
最後我地真係$1蚊都無加過就出左門口啦...呵呵呵~~
