出院喇

2009年1月22日，今晚比平時早去探阪阪，因為姑娘話今日抽左血吳醫生想我地早d去傾下阪阪既情況

6點鐘去到診所，吳醫生一見到我地就講今日卒之都痾左2粒便便因為照x-ray時佢郁得好緊要，可能郁動左條腸所以痾得出，繼而講返佢既檢血報告，肝與胆指數都回落到5百幾雖然唔多，但都叫有成績，佢比左2個建議我地

第一...........繼續留院吊多2日鹽水，星期六再抽血驗，但要換另一隻手仔吊，因為右手已經吊左一個星期，如果再吊d血管會發炎，所以要轉左手(睇到佢隻手仔d血管出晒黎，真係心痛死)

第二...........今晚可以攞藥返屋企食，不過星期六要再返黎檢血(咁我地緊係選擇返屋企，星期六再黎過啦)

走出病房，係到等埋單兼攞藥時，baba話不如磅下，睇下瘦左幾多，就抱左阪阪上磅，條友仔真係歸心似箭，平時乖乖上磅既佢，baba一放手佢一枝箭咁標出門口等走人好彩舅父仔係到夾手夾腳捉返佢上磅(mama知你想走人，不過都唔爭在等多一陣啦)如是者磅左3次先磅到，丫............都仲有成12點幾kgs，又唔係輕好多咋喎

返到屋企由car park到上樓，都只不過係2分鐘既路程，佢居然痾左一罐可樂份量既尿尿，5篤加埋有成10隻手指咁粗既屎屎(真係得人驚)呢d就係留院一個星期儲既癈物

一返到屋企就笑晒口

成個星期無梳過毛，即刻梳番夠本

可能太c服，梳梳下仲去左搵周公

真係...真係.....要多謝各界朋友既支持同關心雖然呢場仗未打完，但我地一家3 口仍然會努力，一定會打走呢個病魔架