網誌分類：未分類 |
我只係星期一至五要返工既日子先會煮飯,
星期六,日同假期都唔會煮,會出街食或去奶奶/媽咪屋企食
老公係一個鐘意係屋企食住家飯既人,
上星期有個blog友去旅行,佢返左黎話買左手信比我.約我一至五其中一日出黎食飯,
不過我一至五要煮飯,佢星期六,日又唔得,
我只好問老公,.我可唔可以出去食飯,不過佢唔係咁鐘意,
因為得佢自己一個,佢一定會食m記,
我本來今晚煮飯比佢食,唔出去食飯,
不過今早突然想今晚食意粉,就即刻打電話比老公同佢講,叫佢今晚煮意粉比我食,
估唔到佢又肯煮比我食,因為佢放工返黎都要7點幾,
就叫我買野比佢煮,好開心,今晚唔使煮飯,
仲可以食老公最拿手既腸仔牛肉醬意粉,我今晚又可以休息下,
買兩條紫色蕃薯返去煲黎食先!
