野仔+Dear Jane short time no see

尋晚去左睇野仔 short time no see第一場，臨入場前我買左兩件dear jane tee，一件紅色，一件綠色，好開心呀！不過最衰無細d size，著落有d大，傻豬叫我比佢著，我梗係唔制啦！都係儲埋先，哈！希望第時仲有其他顏色同埋size啦！

講番個show，真係好正呀！dear jane出場都幾特別，開頭我仲以為howie搞乜鬼，見埋jackal出場就知啦！之後adam同tim出黎都好型仔呀！佢地玩左三首歌，d氣氛好好呀，好多人嗌佢地，尤其係jackal同tim，咁我當然都捉埋傻豬同我一齊嗌啦！yeah！

之後就到全場既主角--野仔出場啦！阿占個頭好搶鏡呀，不過小胡都唔弱，件衫仲好有型添！我最鍾意係奴奴同埋小胡唱知己個part，好好笑&好有feel呀！仲有胡爸爸添，真係估唔到呀！玩野仔時jackal同howie都有幫手，jackal好勁呀，打咁多首歌都好似唔tired咁既，傻豬話佢夠專業梗係咁啦，總之一句講晒勁啦！

不過好衰呀，在場有好多secure呀，我一張相都影唔到呀，不過我都好記得每個場面，留左係個腦度啦！

今晚我地又會去睇不過坐樓上，不過可能尋晚嗌得太勁，依家喉嚨有d痛添！等我去飲番杯蜜糖水潤下先！哈！