我在氣槍IPSC界的日子 (4)

哈哈!!  大家好，有幾個禮拜無同大家見面啦，唔好意思!  近排畫野畫到斜斜地 ，日夜大癲倒，已經有幾晚無返屋企訓添 ~ 幾大膽!!

上次講完 D 好學術性嘅野之後，有幾位老友記 send email 俾阿朗，話想問下 IPSC 嘅計分方法 & 方式，想知道話 IPSC 呢項運動有幾競技性、D 紙靶點計分喎?!!  無問題!  等阿朗我又黎扮下專家先  ~ (於是. . . .我又返去槍會問 D 專業嘅導師攞料啦!!  哈哈哈!!!) 好! 先黎介紹下 D 靶先啦 . . . . . . . . . . .

紙靶:

紙靶共分有三個分區，A Zone - 5 分 / C Zone - 3 分 / D Zone - 1 分。

• 每一個紙靶必須要打兩槍嘅 (所以要有兩個彈窿架)。
• 如果只係得一個彈窿，會判一槍嘅分數，另一槍會判一個 Miss，要扣 10 分。
• 彈窿如果打在紙靶嘅邊線上，會獲得到高分區域嘅分數。
• 如果響紙靶上面有 3 個 or 以上嘅彈窿，會以最高分數區域裡面嘅兩個彈窿嘅分作為計算。(所以 Full 佢 10 槍都係計得 2 槍架咋)

金屬靶 &活動靶:

IPSC 比賽所用嘅靶除左有紙靶之外，做有 D 大大細細唔同 size 嘅金屬靶 (金屬人仔) 同活動靶 ，有 D 活動靶係要靠擊倒某一個金屬人仔來啟動嘅。

當要射擊移動中嘅紙靶 (移動靶) 嘅時候，對每位 Shooter 來講都可以話係一個大考驗嘅事，因為邊位大俠可以好好咁善用時間嘅空檔，佢嬴嘅機會就越大啦!!  (阿朗我近排嘅 Agenda 都係去練習打 Moving Target !! )

• 金屬人仔必須要打跌佢才會有分，打得跌有 5 分。
• 人質靶 (No Shoot)  - 即係 "白色嘅紙靶" , 顧明思義係唔打得嘅靶，如果唔好彩打中嘅話呢 ~ 每個彈窿扣 10 分，而每個 No Shoot 最多扣 20 分，好甘架!!

• 響每一個 Stage 嘅比賽裡面，最後一槍必須要射擊 Stop Plate，佢嘅作用係用黎計算每位 Shooter 響該賽程裡面所需要用嘅時間，所用嘅時間越短，嬴嘅機會就越高啦。 Yeah ~
• Stop Plate 被打中之後會 "亮燈" 作為提示，打中 Stop Plate 會獲得 5 分。

好! 今次又講住咁多先 ，下次又講下其他野 好唔好?!!  . . .  呀! 不如講下比賽裡面嘅 "計分方法" 啦!  請呀各方友好 ~ 祝大家 "槍法如神" !!!    Thank You ~

特別鳴謝 "HKSDU各位導師" :

Website: http://www.hksdu.com