素食一家

放左工, 又係行黎行去唔知食咩, 天氣又咁熱, 又唔想食d咁濃味野呀!!!! 點算呀.

呀! 就食素la, 地點就係係太子ge'素食一家'

嘩! 咁多人呀. 但係2個人食飯係最易有位. 坐低一眼就見到個推廣二人套餐.
即二話不說點了, 再加多一份我跟wing都勁鐘意食ge 'dry' 鹵味.

二人套餐(素食)如下:
- 煙鴨胸   (少少地, 但係真係幾似鴨肉, 唔錯)
- 南瓜翅  (本人不愛食南瓜, 亦不愛翅, 所以就算幾有南瓜味, d素翅有幾似真翅, 我都覺得一般)
- 鮑片生菜 - 素鮑片無味, d菜夠晒清, no any special!
- 炒飯 - 唔起眼的青豆, 菇粒, 梅菜粒, 生菜絲再加上出色的炒炒, 夠乾色, 好食, 我個人推介
- 咕嚕肉 - 四個字 ' 畫蛇添足' 素肉ok, 個汁都ok, 但做咩落d唔關事ge青瓜落去呢?

飯後感: 發覺食素ge人真係特別友善d, 個個都好似好慈, 希望食完呢餐後, b寶仔見到我會感受到我ge慈祥, 唔好喊la!!!!