K1 大作戰Round3

K1 大作戰 Round3

浸信會幼稚園

2009年10月31日(星期六), 今日係連續三個星期六去in幼稚園, 呢間係屬區內出名多家長報名嘅幼稚園, 有學卷, 又有口碑, 所以媽咪都願意比$30去識見識下.

 

Interview時間: 早上10:30, 我哋準時到達學校, 果然係有好多小朋友, 由於時間尚早, 仲趁住呢段時間四周圍望下, 初時比Bobo玩下sir滑梯, 玩玩下太多小朋友走來走去太危險了, 結果都係入班房cool down一下, 一入去第一眼比我對銳利雙眼認出兵乓孖寶的高禮澤出現係我眼前, 原來佢都帶囡囡一齊去interview, 當然佢又冇好似d明星咁帶哂超, 著哂西裝咁去interview, 佢都係好平民化. 不過我feel到佢知我知佢係邊個, 另我吸引到佢注意我地方係 “ 我依然洗出我單身本領獨帶Bobo去interview”

Wow, 好自大呀! 個個家長都一雙一對去interview, 唯獨我獨個兒勇敢挑戰hahaha………..

 

等了不久便叫我哋入去interview, 我哋坐下來後,

 

Miss: 係唔係”翹翹”呀?

Bobo: 冇乜反應, 再問多幾次才答,

 

Miss: 玩砌lego, 玩完又叫佢放回籃子裡,

Bobo : okay, 難唔到佢, 過關.

 

Miss:係個籃到攞個ball出嚟,

Bobo: 又做到.

 

Miss: 問佢手上係乜嚟?

Bobo: ball (可能好細聲)

Miss: 唔係喎, 呢個唔係apple喎.

Bobo Mom: 此時我真係忍唔住同miss講, miss唔好意思, 佢啱啱答”ball”, 唔係”apple”, Miss才同Bobo講sorry, 唔好意思, 我聽錯添.

 

Miss: 比個籃佢, 問佢邊個lego係藍色, 紅色, 黃色?

Bobo: 全部答中, 又過關

 

Miss: 在籃子上攞咗好多不同圖片, 問佢咩嚟?

e.g. 衫衫, 褲褲, 鞋鞋, 湯匙, 車車, 船船等

Bobo: 全部都識答, 唯獨是答湯匙, Bobo答咗”不不” 答鞋時, 答咗shoes, 個miss個樣好愕然?

 

Miss: 送個益力多磁磚比佢

Bobo: Thanks you.

Miss: 此時個miss死都唔放手, 叫Bobo一定要講”多謝”

Bobo: 再講多一次thanks you, 然後才講多謝.

 

Interview 完畢!

 

 

輕鬆interview完後, 又要去見主任.

 

Miss Chan主任: 你好! 係唔係翹翹呀?

Bobo mom: 係呀, 同miss say hello!

 

Miss Chan: 平時邊個湊佢嫁?

Bobo mom: 婆婆

 

Miss Chan: 佢有冇返緊學呀?

Bobo mom: 有呀! 返緊學喇.

 

Miss Chan: 你每日有幾多時間陪佢呀?

Bobo mom: 我每日放工都會返婆婆到湊佢返自己屋企, 至少2-3個鐘陪佢.

 

Miss Chan: 你apply全日班, 如果只得上午班 or 下午班, 你會唔會讀呀?

Bobo mom: 都可以考慮.

 

Miss Chan: 咁你對我哋學校仲想知道d乜呀?

Bobo mom: 你哋學校出邊個miss 係唔係non-chinese?

 

Miss Chan: 佢個樣話我知, 唔係好明我想問乜?

Bobo mom: 我話我剛剛見到出面好似有個外籍老師, 佢係唔係教英文,

                    佢唔係唔, 唔係係中國人?

                                                     

Miss Chan: 我哋學校得一個外籍老師, 佢係巴基斯坦人. 教英文班.

Bobo mom: 係唔係日日都有英文堂上, 咁普通話一星期有幾多堂呢?

 

Miss Chan: 英文堂每日都有, 普通話一星期一堂, 仲有一堂係講主日堂上.

Bobo mom: 明白了.

 

Miss Chan: 如果我哋學校收你, 你可以出result果日嚟學校睇, 或等我哋寄信比你.

Bobo mom : Thanks,

 

Miss Chan: 比咗包餅給Bobo.

 

Bobo mom後記: 總括嚟講, 呢間幼稚園係政府管制下的確實一間良好學校, 不過我發現在英語水平(略淺), 中文水平(還可以), 而我都好滿意學校環境, 老師多, 大部份都都係資深老師, 個個都有返咁上下年紀, 都好少有年輕老師出現, 外籍老師除外, 最令我對學校不滿的是, Bobo明明答啱, 老師竟然話佢答錯? Bobo有禮貌say thanks you, 老師又一定要佢講多謝 . 咁樣對個小朋友好confuse, 究竟係唔係自己做錯呢? 

現在讀幼稚園並唔係好似以前我哋一樣, 返學和同學仔玩玩而已, 開心又一天放學了. 現今小朋友在幼稚園階段除了學習從書本上知識, 品德外, 還要在課餘時間出外學其他活動, 家長門亦開始在報K1期間為小朋友作上小學的部署, 所以簡幼稚園真係一點學問嚟嫁, 我哋家長真係要花多一點時間及心機.   

 

希望Bobo嚟緊越戰越勇, 努力, 加油!!