北海道：美瑛‧丘陵景觀之路．千代田の丘牧場~三愛の丘

2008年7月27日星期日

 

好 嘢 ！ 繼 續 咁 好 天  ！

 

美　　瑛

※ 美 瑛 稻 草 人 ※

 

「遊 美 瑛 ，最 緊 要 好 天！」

一 邊 細 聽 悅 耳 悠 揚 的 音 樂 盒 旋 律，

一 邊 欣 賞 綠 油 油 的 美 麗 田 野 啊！

《Panorama Road》（景觀之路）地圖

地圖來自：http://www.biei-hokkaido.jp/index.html

 

離開【四季彩の丘】，

開始《景觀之路．單車之旅》最後尾段。

 

繼續欣賞美瑛偌大的天空。

在【四季彩の丘】已見到出煙的火山，這裡看更加近。

你會發現相片開始偏藍咗，

是數碼相機的白平衡有問題，

為了節省沿途拍攝時間及相機安全，

巨型菲林單鏡機放入背囊內暫時休息，

沿途的美麗風景就用數碼相機拍攝。

還要欣賞美瑛的丘陵和田野！

哎呀！呢幅影斜咗，不要緊，都係咁靚！

咦！有發現！你睇唔睇到？

睇唔到？！唔緊要，QQ 就 zoom 佢埋嚟畀你睇。

係一隻貓科動物，

唔知佢係野生定有人養，

佢都望緊我哋，

當然佢見到我們望住佢又影佢，

佢重唔快快匿入草叢中消失嗎？

時間將近下午 5:30 pm，到達【千代田の丘】牧場。

【千代田の丘】牧場的見晴台，是欣賞丘陵美景的好地方。

途中曾經過【拓真館】，

但我們過門而不入。

我們也沒有入【千代田の丘】牧場參觀，

趕時間，

只能從高處拍攝牧場風景。

又係嗰句：「下次再嚟喇！」

天上一團小白雲，是人為的水蒸氣團形成的。

日落西山，好多丘陵相片已背光及灰暗，

要 Photoshop 來打救，先去藍再加綠，加點黑色素，再弄光。

QQ 執得靚嗎？

呢張執得秋意正濃！

下午 6 點，來到最後一個景點【三愛の丘】。

在此只作短暫停留，拿菲林機出來拍拍丘陵與農田。

有太陽伯伯的正光照住，菲林相完全唔使 Photoshop打救。

遠處斜頂屋是一間《三愛の丘屋喫茶》

Blog 友 AloveA 盛讚此處雪糕美味，環境別緻。

可惜 QQ 趕時間，無緣在此享用，

又係嗰句：「下次再嚟喇！」

 

終於見到美瑛市中心

過咗呢道綠色橋，就返到美瑛市中心。

（穿紅衣的 QQ 正衝刺過橋入市！）

下午 6:45 pm，終到達單車舖還車，

此時的美瑛市中心，己漸入黑，街道上無乜人，好靜啊。

另外，記得開儲物櫃取回三腳架，

儲物櫃外貼上日文通告，

我們完全睇唔明，

只識睇“6:30 pm”，

幾驚鎖櫃唔畀開，

終於明解係 6:30 pm 後車站辦公室關門休息。

因為 BB 的豬扒大整蠱，

我們仍覺很飽，

真係唔使食晚飯，

我們便在美瑛車站內等候列車，

搭 7:13 pm 列車往【上富良野】駅。

晚上 6:30 pm 後，

要在列車上先取車票，

落車時才付車費。

這晚，【日の出公園】有節目啊！