多多波折的2009毅行者 .... 我的心情 @8Nov2009

由決定參加今年毅行者, 入表, 操練, 至今半年多了.  因種種原因, 發生了多次換人的事件, 期間自己的心情都為止而起起趺趺, 最後...到了10月, 4名隊員終於落實了.  雖然許多不明朗因素仍然不停湧現, 但我都不停訓練, 希望以最佳狀態去跟隊友一齊完成這100公里, 而大家亦樂觀地認為一切都應該settle了.

但在11月1日, 又發生了另一件不如意既事情, 我真的受傷了........

這一次, 令我趺落了谷底, 還記得星期日晚回家的慘痛, 自己都唔敢想像情況到底有幾差.....

星期一情況不見有改善, 決定去尋求治療, 今年...我仍可以參加毅行者嗎?  有沒有人可以代替我嗎?  隊友們會點呢?  可以好返嗎?  幾時才好返?  仍可以跑步行山嗎?  係咪要就此掛靴?  各樣各樣的問題令自己更擔心, 好煩, 好唔開心.

幾日後, 情況仍是未明朗, 唯有跟隊友提出轉人/自己中途退出的提議, 我不是想放棄, 而是事實令我不得不放棄.  但見到隊友們的不願意, 我更加唔開心, 雖然如此, 但患難見真情既感受更深.  自己放了半年的時間去操練, 安排, 跟隊友取得默契, 難度我真的願意放棄嗎?  當你每一步仍然是痛痛地一捌一捌, 你會點呢?  .......  真的很無奈

過了一個星期, 心情都開始平伏, 開始接受現實..... 但仍然是不開心, 不是因為不能達標去完成, 而是不能跟3位好兄弟, 一齊去完成, 大家一齊既努力, 好像由我一手催毀了...他們每天的問候, 令我心感溫暖, 但亦感到百般的傷心.  每次聽完每一個人既問候, 自己都很傷心, 淚水都會在心中流了出來...

每日的情緒都起起趺趺, 淚水每日都流過, 甚至現在, 如果這是用墨水筆寫出現, 紙上的字一定會給我的淚水弄化了......  我明白健康的身體, 才可以更有能力去復原, 所以每日傷心之餘, 亦提醒自己要為康復而努力, 要保持心境開朗.

在此多謝呢段時間每位問侯過支持過我的朋友

candy, 你是堅強的, 努力, 你一定可以撐過去的.....一定可以打勝這場"復活戰"