親親小馬+妙沙寺齋宴 @11Oct08

原本今日個服務full晒, 但因其中一位同事有事, 所以我便以後補位參加呢個服務.  其實係公司義工隊拹助香港家庭福利會, 帶一班長者去睇馬仔+齋宴.

早上8點, 我已經到達中心, 待其中義工人到齊後, 與中心義工briefing+輪椅運用示範後, 便開車去接各長者.  因為有其中幾位是行動不便, 所以有部份義工要拹助幫忙推輪椅.  另外, 我亦是第1次登上復康巴士, 好奇的我當然又要影返幾張相留念啦.  雖然自己不是主力負責推輪椅, 但自己只有室內活動, 都怕戶外/上落車會難控制, 幸好上落車由司機負責, 今次偷左師, 下要要自己都handle到.

第1站先去Tuen Mun既騎術學校參觀.  呢個地方, 之前係呢區住左咁多年都未去過, 終於有得入去玩下喇.  相比上次帶服務去錦田既騎術學校, 呢度比較整齊, 可能係賽馬會管理, 總比私人既好d啦.  原來退役馬王 "靚蝦王" 而家都係住在呢度, 佢而家都仲好精神呢!

參觀完馬房, 再睇下馬仔既沖涼過程, 介紹下d馬蹄鐵, 同小馬影相後便離開.

之後去了藍地, 呢度在讀書年代成日去, 而早幾年都曾到過妙沙寺參觀, 但新樓當時仍未起好, 但今日已經完成, 而今日食齋既食堂都係在新樓內.  齋宴食物份量都不小, 但味道則一般, 相反同檯既大家都一齊懷念雲泉仙館既齋菜, 真搞笑.  玩完遊戲後, 大家都上了7/F既新大殿參觀, 又真係幾靚, 仲用了落地玻璃, 好光猛.  我更在外圍行了一個圈, 見到好多新舊樓, 仲見到瑪姬屋企, 仲有新既落馬洲接駁橋, 兆康苑, 虎地等地.  當然都睇下舊樓, 但因要上落樓梯, 坐輪椅之長者不便上落, 所以只望望該層在天花的12生肖畫便離去.

雖然只去了兩個地方, 但包埋接送, 已經用了6個小時.

舊地重遊, 好有感觸, 亦估唔到今日會遇上你.......

另外, 原來呢個機構有義剪服務, 好野, 希望可以好快去幫人剪頭髮 ::)

之後, 坐巴士去左九龍城碼頭, 向土瓜灣慢慢行, 途經煤氣廠 (公司傍果間日日經過, 呢間就好小喇), 再影下白宮餐廳, 再入牛柵行行.  沿途, 雖然見到白宮有新鮮蛋撻, 但自己反而想食荳腐花, 不過一直行到太子道都無.  雖然知道九龍城入面有1間, 但時間已經不早, 要坐車回家食飯了, 仲呢住今晚JOG20分鐘, 可惜我等車都OVER20分鐘, 返到去都無時間, 唯有祝自己明天好運了....