再來 麥徑3>4>5>葵芳

今日原定路線 M3-6

轉隊員後, 今日終於齊腳一齊操了, 仲有陪操既小珊.

明明已經立秋都過埋, 仲咁鬼熱架......

今早起步時, 自己都未夠warm up, 而隊友們又幾好力, 所以自己慢左, 唔係跑左太多, 但今次落5爪金龍都唔算快, 但已經順左小小, 仲見識到隊友T既快落真係強.  不過上雞公個天又比考驗我地, 熱到傻.....

另, 多謝偉哥今日來水浪窩做support, 所以落山時都唸住偉哥, 不過估不到比自己預期/近期既時間快左唔小就完成第3段, 有點SUPRISE!

之後, 原來隊友T因為今日係第1課, 未太適應, 有點吃力, 所以我們都大休多一會才起步.  之後隊友T上馬鞍都有點辛苦, 在行下休下情況下都堅持到了昂平.  我們找到偉哥, 補給休氏之餘, 更現場睇佢同朋友FLY, 嘩, 真係好正呀!!

大休完繼續上路, 到基維爾後, 隊友T已急不及待降降溫, 之後因為顧及隊友狀態, 大家決定走觀音山SHORT CUT至沙田坳.

到士多後, 小珊, 隊友T同S決定收工, 而我同隊友K決定再去, 但因為他要趕回家, 所以操至龍欣道再落龍翔道.  咁啱, 同早幾星期路線一樣, 我都係決定跑回家, 而原路還遇上一條幾呎長大蛇, 同佢只有不足半呎距離, 幸好牠沒有咬我. 

之後, 因為仲唔覺意發現了一條SHORTCUT落美孚, 條路好新好靚, 最緊要無狗又唔駛吸塵, 正!!

最後路線 : 麥徑3>4>5>龍欣道>龍翔道>呈祥道>荔景山道>葵芳 , 只有38, 但就玩了共9.5小時