人生的第1次 TEVA Paddle-n-Run @28June09

相信好多人見到個比賽名, 都可能會有呢個反應... candy係咪寫錯, 你都玩呢d比賽架咩?

http://www.actionasiaevents.com/index.php?option=com_eventlist&view=details&id=76:teva_taitam_09&http://www.actionasiaevents.com/index.php?option=com_eventlist&view=details&id=76:teva_taitam_09&http://www.actionasiaevents.com

我自己都唔相信, 居然有人夠膽搵我做partner玩呢d水陸既比賽, 佢真係好大膽, 但要多謝你, 令我再完成了多一個人生的第1次, 我的型仔partner, simon, thank you so much! 

最初收到message問有無興趣, 我以為佢send錯左比我, 再問才知原來真係搵我.  我第1時間既reply係一連串既問題 : 要扒kayak, kayay是什麼?  我未扒過, 唔識點扒?  點解你唔搵阿邊個/邊個? 拍佢地, 就算唔win, 都一定可以完成啦.  我水性唔好, 怕搭沉船, 你唸清楚未?  你..真係唸清楚未?

最後...Simon比了200%信心我之下, 決定一試, 我們的target是 fininsh @ safe

真係擔心唔識扒, 連上落都唔識, 點算?  唯有這幾天, 在網上/朋口中問多一些kayak的資料, 還準備了長袖衫, 手套, 帽, 水, 朱古力 ...等等

但今早見到實物, 才知原來係咁.  搬kayak落沙灘邊, 才知原來都唔輕, 船底仲開了幾個去水洞, 但船既質地係浮水, so,,,,,哈哈...自己真係小見多怪.  上船了, 都ok, 尚算順利, 不過原來連坐都住錯, 個pad係墊腰, 我居然坐上去, haha!  Simon既即時臨場教導+自己即學及唔知對不對既方法, 邊試邊扒, 終於慢慢地扒離開沙灘, 踏出第1步, 向起點進發. 

去程要扒4k, 呢段就係我既適應期,  試著不同的手勢, 用力既方法, 慢慢開始上手.  期間又望下附近其他參加者, 哈哈, 見到前面一隊男子組, 坐後面的吞pop, 經常停晒手, 間中才扒一兩下, 有時仲成個瞓低晒, 難為前面隊友仍努力扒扒扒.....呢d隊友真係....

在cp1起步時, 好大浪, 我地未上船, 一個大浪打過來, 我比kayak撞到坐底左, 再比個浪蓋過, 好在contact lens無事, 成個人濕晒, d水好咸但好爽, 未企定, 再一個浪打過來.......原來個浪打到kayak都反左, 我當時唔知, 因為在浪中, simon努力返轉kayak時第2個浪又衝來, 佢怕kayak又再把我撞倒, 努力拉實, 多謝隊友...最後, 有驚無險地繼續去.

終於到了run呢部份, 第1個pt, 不敢cut小路, 沿大路順利地到達.  過下個pt時, 選了一條長dd但較平既山路, 天雨後, 避開上上落落正合我. 

之後再扒埋最後2k, 呢段自己順左好多, 全力加速下衝線.

雖然我們不是快, 無獎攞, 但順利, 無反艇, 無DQ,  又唔駛包尾既情況下完成, 真係超標完成啦 !

參加者中最特別, 都算是其中的一隊MIX TEAM, 因為佢地帶埋小狗一齊玩.  起步時見到小狗穿上救生衣, 好可愛, 之後在山路上遇上, 原來小狗的左後腿是沒有的, 相信牠要穿救生衣是因為這個原因.

最後, 我們約2小時37分17完成, 組別11名, 全場52名

一個難忘的經歷, 原來KAYAK好好玩......唔知, 仲有無下次呢?