新的開始.....@13Mar2009

兩年前4月的某一日, 我開始了我的長跑生涯, 不是為了跑而開始了跑, 而是為了強化自己去完成一個曾經失敗過的目標.  估不到的是我卻深深愛上了, 仲越跑越長, 不足一年內由零開始, 努力練習, 居然可以跑完全馬42k.

過去兩年內, 身邊多位朋友/高手/有經驗人事多次同我講, "Candy, 你個跑姿真係要改下".

其實我都知, 有人教過我幾下點樣改, 但始終自己試極都係改唔到, 真係好想改.....

最後的起心肝, 決定跟班.

其實, 自己唔係想要PB/任何名次去學跑, 只是想改善跑姿, 跑出一個真正的跑, 從而減少受傷既機會.  當然, 如果因而有了進步, 絕對係上天給予我的BONUS.

2009.3.13, 一個黑色星期五, 我的跑步生涯有了另一個新開始, 希望係一個好的開始.