試妝篇 JCLASSY CANDY (非廣告)

其實, 結婚唔駛好忙, 只需要預早BOOK了兩件事, 之後就可"他他條"...

兩件事一定要預早就係...1) 酒樓 (上次會展BOOK了, hohoho!), 2) 化妝師 (正所謂好的化妝師難求)...

上星期尾開始搵, 心目中想搵 CHARMING IMAGE的 ellen 同 J CLASSY的 jacko...都俾人book了出年11月28日...嘩, 成年幾前俾人book了, 果然搶手...根住我try下再問 CHARMING IMAGE的candy, 又俾人book了...

跟住jacko問我try 唔try佢助手candy... 我見網上睇人d blog d 新娘都好靚有人讚佢, 就約試妝...

本來想約呢個禮拜日 (因約o左jocelyn同兩個契女睇燈飾食壽司)見順路...點知佢話禮拜六日要12/19先有得試...所以就改了擒晚收工去試. J CLASSY 的 candy, 佢好好人, 又好傾, 仲好有心機"溝"色...試妝前先俾d精華我補補濕..俾instruction我, 叫合眼, 向上望, 望地下...令我好輕鬆咁化好個妝.

*** 特別鳴謝jocelyn 抽時間陪我三粒鐘試妝...仲有暉對我的包容忍耐！(响籌備結婚的事上我好憫憎)

化妝師candy一d都唔孤寒, 幫我試多幾款造形, 正常試妝只有兩妝兩頭, 佢話覺得我台式都幾襯...你地又認為呢?

a) 褂妝 (candy專業意見日妝不要太濃)...candy都好勁, 可以將我好簿唔長的頭髮响無加假髮的情況下梳到呢個頭...佢建議到時用一d真花代替...

b) 晚妝 ...(candy 專業意見, 可加濃d閃d...放返d頭髮落o黎...呢次要加假髮了...不過, 佢話依家開始留應可以留到....)佢幫我襯住兩個簡單的頭飾...佢try過一個好多石的頭cool, 俾我, 但我d頭髮太簿弱唔多襯...我諗我個樣係襯d清清地！

同場加送兩款台式造形... 呢種响台灣d化妝書耐唔耐都會見到, 頭cool加蝴蝶結....(hehehe, 背後影到3/4個candy)

呢個後面似菇菇的台式頭係candy特登整俾我的, 有d復古...佢話我都幾襯呢種, 你地俾d意見丫...

呢個眼影是candy溝的, 有深藍溝藍, 但一d都唔肉酸(平時d人話新娘千祈唔好用藍色eye shadow)... 唇膏方面, 佢話依家唔興太紅, 淺淺地夠自然！佢真係好有心機幫我修正堂眉...因平時我堂眉超高低...好難畫！我見佢d化妝品有bobbi brown, CD等好多名牌, 包保唔會爛面！

試完晒...同暉o黎張合照先...yeah! 終於可以去吃飯了！

等我都介紹下blog友菲比去try下先...菲比, 繼續keep住交流情報, 我留o左言俾你, 你記去check!