團拜

     今早媽咪問我去唔去舅父家拜年，但 so sorry，好眼睏，唯有派 Daddy & mummy出席，我就同周家拜年。  不過都唔係咁好瞓，不時有舞龍舞獅打鼓聲，搞到我瞓吓醒吓咁。

     晏晝等 Daddy & Mummy返到嚟就準備出發去契爺家拜年，本來以為得兩個契女三家人，点知去到發現中門大開，嘩，好似去咗酒會咁，人人攞住個杯，三五成群咁傾計，粗略估計有三十幾人。  飯枱就擺咗泰式木瓜沙津、mini tuna & parm tarts、仲有七、八樣熱葷，全部有火响盤低keep warm，而飲品方面就有紅酒、black lable、gold lable & blue labe chivas、暖橙紅酒同曖薄荷橙茶，幾好飲架！  原來係契爺契媽啲部屬團拜，啲人一輪輪，一部份人走咗又有第二班嚟，好誇張  仲有個伙計即席表演吹奏胡蘆笛同拉二胡tim，好有氣氛 一直到八点半先走，原本想早少少走，但嗰度無車無的士，要call車先有，所以都係等Daddy車算數。

     契爺家仲有好多我最喜愛嘅警察同barbie收藏tim，正！

     跟住同朋友仔去Paul Paul家玩，去到佢屋企好興奮，因為係Heloo Kitty部屋咩，好靚呀！ 我第時間屋都要係咁！  因為我唔賭錢，我哋仲玩又剌激又搞笑嘅估啤牌遊戲，又大飲chivas

     最大收穫係兩個超靚嘅Kitty利是封，唔開心時拎出嚟睇吓都會即刻開心哂