繼續wakeboard

     星期四有零散離驟雨，約咗Sam哥哥玩wakeboard。Sam一早同四個friends出船，啲雨落吓停吓都照玩，而我就例牌”三點不露”(即係每次都起碼三點先出現，今次成四點先到)，並且繼續做”貴人’(招風雨)，差不多到埗就開始落大雨，佢哋直頭要棄船上岸避雨，估計要避半個鐘，結果… …

     … … 一等就等咗成個鐘！ 我都有同大家say sorry，我一嚟就累大家無得玩。不過佢哋避雨時都有啲細藝，就係跳”table dance”，其實係縛咗個handle喎係鐵柱上，做陸地練習滑水嘅姿勢，又話要挺胸收腹夾波，好搞笑！

     嘻嘻哈哈等到五點細雨就再出發，好彩越玩越無雨，我玩咗一轉15mins就夠皮，今日主要係warm up同糾正我嘅姿勢，平時無做開運動嘅我已經好累，睇人玩好過！  玩到七點半鳴金收兵，沖完涼洗完船一齊落太子食越南noodle，之後我再落bar。

     星期五間中有陽光，瞓到點幾Sam打嚟叫我快啲出嚟，話依家陽光普照，如果我去到落雨即刻盼個獎俾我喎，被佢吹脹！  三點入到去，正，勁好太陽，即刻擺對脚出嚟驪吓，平衡返上下身嘅skin colour先。  今日得四個人，簫公子已玩完走咗，我哋每人玩咗兩轉，carol好堅玩三轉tim。個個都好開心，第二轉好似上身咁，大家都有進步。 我哋朋友仔好犀利，我自認係超級低Ｂ組，thanks to my friends, 我呢兩日練嘅toe-side入wake終於成功啦！