網誌分類：愛 * 分享 |
呢個年代，多數人也會拍幾次拍才結婚。 失戀是會傷心
，但總不至於是世界沒日，要生要死
。 失戀要失得有意義，是需要自己在錯誤中學習
。 為何不把失戀
視為上天安排你在他身上更認識自我，學會該怎樣去愛，同時讓自己更了解何種異性較適合自己。
有些人只對某類型的異性有情意結，結果新歡舊愛像倒模似的。 這類人要汲取上次嘅教訓，分析失敗之處，到再遇上合適嘅人選，才不至重複犯錯。
倘若你洞釋分開並非誰之過，純緒是不合適，那便應放眼世界，揀個南轅北轍的對象談戀愛。
我認為愛一個人，就是走進他的生活，因他嘅原故，自己也像從新活一次般，愛他愛去的地方，視他的朋友如自己的朋友，玩他愛玩的玩意 … … 從不同人身上體驗不同嘅事物。
可能有人曾批評這好像迷失了自己，但若果我是愛
你，我才懶理這些，因為我眼中 -- 只有你
！
偉爵爺 2007-03-22 00:35
如果愛情係人生學習中的一個課題, 我想呢科應該係好似考車牌咁, 有人考一次就合格, 有人要考幾次先合格, 有人考極都唔合格, 點解呢? 其實每個教車師傅都係教同一樣0野, why not
?
原因就係得一個, 就係個師傅夾唔夾你, 如果夾得好, 一次就pass, 好開心
! 其次係夾得一半一半, 想換又唔敢換, 驚換個新師傅教仲差過之前, 最後考幾次終於合格, 但咁即係省錢省時間, 考到都好過考唔到
!
最衰係考極都唔合格, 原因有兩個: 一) 呢個人太蠢, 學極都唔識, 佢跟本唔適合揸車
; 二) 呢個人好有自信, 以為自己手車好掂, 架架車都難唔都佢 , 但到頭來只是一個識揸大膽車, 而又成日炒車既人囉, 最後只好坐公共交通公具, 永遠無一架屬於自己的私家車; 更甚的是比錢請司機載自己, 永遠享受唔到揸車既樂趣
!
其實拍拖係好簡單0既一件事, 唔好複雜化, 用自己個心對人, 別人始終都會同樣對你, 但當然要選擇好自己心目中0既對象先付出, 萬萬不可退而求其次, 或者抱著試一試0既態度, 否則只會有苦自己知! 最後, 希望呢個比喻會有所啟發, 一個曾經深愛你, 直至現在的人
!
量產型叮噹 2007-03-20 00:09
而且, 你咁樣好明顯唔係聰明女日o既所為 ... 你咁樣做, 好易令男生生厭 ... haha ~ 到時就變o左電視劇好老士咁, 喊苦喊忽, 愈喊愈令人生厭 ...
首先當然人生應該係建立係神上面 ... 另外應該係自己活出自己精彩 ...
算啦 ... 要思考自己o既人生係好沈重o既問題, 好多人都唔去諗, 用吃喝玩樂去逃避, 咁樣人生好似輕鬆好多 ... 但係唔好忘記神係每人身上都有其計劃 ... 無o左自己只有男友 ...
小林 2007-03-19 23:00
但我對於愛情觀並沒有太多意見.....
sukiay 2007-03-19 00:42
車里豬：我無唔開心呀！只係發嗡風啫
多謝你認同我講嘅嘢
sukiay 2007-03-19 00:41
Expo: 多謝你用行動嚟回應我
Blue Girl嘛
車厘豬 2007-03-18 12:42
你講得很好, 很積極
你唔開心嘛?
或是只係想分享一下?
(Ambrose, 真有緣, 竟然在kiki blog見到你呢)
我呢....認為愛不能單方面付出
你幾愛佢, 為佢付出幾多都好
但對方一定要珍惜你才可以共偕白首
我同老公拍左11年拖, 然後結婚
這些日子以來, 我們意見不合既次數少之又少
原來「愛」係可以在對方身上感染到,
當二個人彼此付出, 大家便會處處為對方著想
你講得岩,
對方鍚你, 一定很有興趣認識你既朋友, 努力加入你既圈子
我以前有一個男朋友, 佢只是想秘密交往,
又唔想比其他同學知道, 攪到我無哂朋友, 成個生活圈子好似只圍住佢轉一樣.....
最後, 佢竟然想追另一個同學
年少無知也罷, 再笨也知道這個人, 愛自己多點
自私, 不能換來真正既愛情
到頭來, 這個男生什麼也沒得著
而我真係上左一課
一定要搵一個懂得珍惜我既人
等待期間, 真係要讓時間給自己調整生活
一年後, 我康復了
才遇上我現在既老公
原來好多野, 一早天父已安排在你身邊
只是自己太憂傷, 看不見
等自己懂得放手, 原來最適合的他, 你才會「有意識」地看見他
祝大家傷癒, 重新上路, 讓自己與戀愛再次飛翔
Ambrose 2007-03-18 06:03