結婚週年記念

     今日係Daddy & Mummy 舊歴結婚週年記念，我、家姐同佢倆 old cakes 食晚飯慶祝。  本來想同佢哋去食自助餐，但媽咪想去”大榮華”食，Daddy又唔想等，終於特登揸車去咗即曰報紙副刋有介紹嘅翠竹商場食。  以為係商場酒家，去到發現個商場好細，間食店喺正場中心，似室內大牌檔。  Yet, 免得廢神諗食乜，家姐又見報導介紹”小桃園”都OK，心裡有數想order砂窩肘子瑤柱竹笙香菇雲吞雞、泰式煲仔翅”so”炸美國生蠔 … …就拍板入座。

     個商場好細好”up dup”，間食店响商場中間，即係人哋擺展銷嘅位置，好似室內大排檔，但側邊有啲靚少少嘅六人卡座，我哋坐咗其中一張。  到order時，一位男侍應話無雲吞雞，我哋俾張當日報紙佢睇，佢都話係之前過年時嘅菜式，点知再問第二個又話有喎，咪照落單囉。  因為家姐唔食蝦同咖哩，我見門口今日推介有辣酒煮花螺，order時又話賣哂，算數，諗過第二樣，Daddy叫泰式濕炒牛河，再嚟多個蝦醬通菜炒鮮尤，点知轉頭又走返嚟話河粉都無哂。  我哋巳經好唔滿意，Daddy問佢咁有啲咩係有架？  侍應張仔不停講唔好意思，不下十次，話今日剛轉新老闆，所以菜式比較亂，河粉就係lunch時沽清，而報上介紹過幾日一定有，下次嚟一定有。 Daddy話無下次，又吹水話我哋特登睇完報導山長水遠嚟，對百無好失望。 我再叫多個薑葱魚雲煲，張仔係話無薑葱，但有生啫魚雲煲，即係豬膶，OK la。

     点知上菜時竟然係 … …haha薑葱魚雲煲，吹脹。  張仔話下次一定好似無線口號 – 全力以赴、做到最好!  Daddy則提議佢不如學曾特首講”我會做好呢份工吖。  家姐就話我哋都會食好呢歺飯。

     因為同張仔嘅風趣對答，加上我同Daddy都幾搞得吓氣氛，所以這餐飯最後都在怨駡聲同笑聲下渡過。  終於埋單啦，我作最後反擊戰，當張仔攞張單埋嚟”多謝盛為 …”我即刻插嘴扮可憐話”我都唔好意思呀，原來唔記得帶銀包，我下次一定會埋好呢張單架啦”hehe

幾搞笑竟然兩個人用一個筷子

 留意中間嗰碟係主菜