我的蘇卡達象龜

我家有一隻寶貝 — 蘇卡達象龜，又名“盾臂龜”。蘇卡達象龜體型壯碩，是世界上體型第三大的陸龜，背甲前、後緣為鋸齒狀，前肢鱗片大而重疊，後腿有明顯的二或三個刺狀突起。背甲為黃褐色，盾板邊緣為深褐色，腹甲為黃色或乳黃色。棲息於沙漠周邊或熱帶草原等開闊乾燥區域。在中午時分會挖掘深穴避暑，等待日沒以後才外出活動。產卵季節約在秋、冬季節，一次可產約17顆蛋，孵化期長達7個月。蘇卡達象龜要4~7年才會成熟，其壽命可以超過75年。

英文名 African spurred tortoise

學 名 Geochelone sulcata

分 類 爬蟲綱　龜鱉目　象龜科

 食 性 草食性，以多肉植物為主食。

特 徵 為褐色背甲、喉甲部突出及發達的鱗片。

 分 布 非洲東部、中部、西部。

龜龜已經一個星期沒有進食及排泄，早兩日終於發現，原來佢生石。頻撲咗一整日，經其他獸醫轉介，終於去到大圍一家專醫珍禽異獸嘅診所。做咗 X-ray，唉！原來佢除咗肛門口嗰一粒，喺條腸裡面仲有另外一粒。醫生建議要開刀，但係對龜龜嚟講，係大手術、仲有生命危險。我同醫生商量咗一輪，決定觀察多一個月，希望佢可以自行排出，去到肛門口就唔洗挨一刀喇！

-----------

補充資料︰

當日獸醫曾於治療前解釋整個程序，要幫亞龜先打痳醉針，再用電鑽張舊石鑽碎，再用鉗鉗出碎石。跟住我同佢講，其實我今朝ｅｘａｃｔｌｙ做過哂佢話要做嗰ｄ程序，剩係差支痳醉針啫！！　嘩！Ｏ哂咀呀！連個ａｓｓｉｓｔａｎｔ都Ｏ埋咀！　吓！用鑽自己鑽！？

蝦！最衰我唔知佢生理結構咋，如果唔係我全部自己攪掂啦！　洗俾幾千蚊兼咁頻撲！　我都有基本嘅獸醫ＳＥＮＳＥ嫁！