7/31

7/28 去喜悅飲茶 跟住同媽媽姨媽表姐行街
去蛋撻王買完野出黎 見到B哥哥同大女
等緊個細女同工人黎 媽媽想見佢細女(係條街度等- -)
[表姐話:::哇 你啊媽追星呀]
影完相就閃人 行左陣上表姐屋企
之後去石塘咀食飯 食完去m記食雪糕
經一番討論之後 澳門之旅告吹了
還店我未夠18去到都入唔到賭場


7/30 樓上一早就鑽鑽鑽 真係想訓多陣都唔得
出去幫家姐睇外置hard-disk 等埋媽咪放工去SSP再睇
太芷打比我我竟然以為今日係星期三 對不起~~~
之後去中環勝香園食tea 食食下無啦啦有班人叫
原來車死左隻老鼠@@混醬脆脆 好好食: )
上表姐家媽咪染髮 我同marvis玩 之後去上環富林食飯
$13.8 1隻鵝 好抵食啊~食完又上表姐家食糖水
11點就回家去 今晚好好訓


7/31 今日"小"掃除 執野 洗籠 吸塵抹地
係咁流汗 爽~上網整左入台証 星期1有得拎^_^
又無煮飯 沖完涼同媽咪落街食euro gogo
食完行左陣 媽買左條裙+新既家居拖鞋比我
係另一間鋪見到我之前想買個隻錶 不過無左桃紅色
細佬成日霸住+差不多日日出去 今日終於有得用電腦喇~~
即刻睇返棒棒堂 睇到眼到腫埋  4點先訓得著orz