人生大計:買車篇(7)

當日一早出發, 不過早左15分鐘到, 係直接去賣家既屋企.

去到唔見架車. 我想係泊左响車房吧...

禁門鐘. 出黎係既一個唔太老,不過又算係60幾既女人..

傾開之下原來係已退休人士...(放咩鬼"大假"..係放"人生長假"吧)

心中都暗暗歡喜,至少係一個唔會多開快車既人呃..

(以自己路上所見..高齡人士駕車真係..比較慢..)

佢男朋友(當然係個阿伯)駕左架車出黎..第一感覺:不錯都幾新.

細見賣家所講車門既LUP痕..唔太過份

我想到我用時都會比人撞..除非我架車泊响兩個位既中間吧..XD

不過响我鎮泊車位供不應求既情況下.一車泊兩位係犯眾憎呢~

佢提議我地同佢男友去試下車. 佢男友好快腳閃左去後座. 我叫老公駕..因為第一架Twingo時我已經試左, 知道自己同呢款車相容.

老公老牌仔..駕上手會知道順唔順, Motor有冇怪聲等等.

坐入車, 好有喜, 乾淨到好似新車咁..(除左多左幾件賣家私人物件外)

架車係賣家自己的.不過因為佢男友都有車,

呢架Twingo只係用黎Weekly Shopping

(5年車先行左31000km)

我開始勁有興趣了..所以想咩都試下..

開始不停問左問右, 試冷氣, 試車頭車尾燈,Radio, 睇埋車尾箱,後備o太,

老公開埋車頭蓋睇比較男人在行既野..

之後..老公問我點睇. 我覺得OK啊~

老公都覺唔錯..

於是決定買了..因為要準備我呢邊既保險, 銀行支票同佢賣車轉手既文件..

下星期四(8月20日)交收.

心情好期待. 又唔知呢個星期內佢會唔會反口賣比第二個咁.

不過, 都應該冇問題,因為賣家星期五會外出旅行.

心想佢都想賣左架車先出發(佢仲會白易比多保險費)

所以...就係咁了..

好似好大決定咁, 因為都唔少錢.

不過心情係興奮的!!

...待續///