人生大計:買車篇(3)

一直都心儀想入手的Smart fortwo, 點知見過同試過兩部2手Smart之後, 感覺失望到貼地!!

第一部係全黑色的Smart fortwo, 好似好新咁,2004, 5000歐, 唔太多KM(少過60000), 幾好設備, 打電話問好哂資料後去試車...係好有心的, 價錢係貴左D, 不過如果啱既話都OK. 而且賣家離我地150km遠..要駕差唔多兩個鐘車..

去到, 一見之下..車門有幾個貼紙..心已經涼左一截...坐入車一見..好多地方都花哂...(膠既地方花到仲勁過小朋友塗鴉), 冷氣又試唔到,因為冇Recharge....勁汗... 好有比人隱瞞既感覺..

不過見一場黎到當然都要試下駕駛一下吧... 車係好細, U Turn都好易..不過勁唔中意佢1/2自動波棍..唔慣之餘我駕到好似第一日學車咁..好唔流暢...

點都好都好客氣地同佢講要幾日考慮(不過我個心已經肥左佢)

之後都唔死心..見黎另外一個賣家唔太遠, 於是立即約佢出黎試車..係黑白兩色既Smart(我心水既顏色), 個賣家小姐話, 放心, 完全冇Surprise!! 架車保養好好云云.. 2001年車..都話哂8年車..點都唔會好新吧

期待既心情去到..又係入谷底.. 花到不得了..而且開始覺得Smart fortwo 既外殼好膠,好易花同爛.. 車入面比第一位人兄個架好少少..不過..我都係已經Say No...

之後我完全心碎了..一直都想買既車仔..好唔掂..可能自己都比較追求完美的..車身花都唔好花得太離譜吧..車入面都花哂我真係唔明D人點用車..

老公反而好Happy有得駕下Smart fortwo...

大拿拿5萬幾蚊買D咁既車我真係唔願比!!!

總算知道自己同Smart fortwo唔啱Key

於是, 我完全轉移視線, 搵我一直都好有好感既Renault Twingo (I)!

待續