媽媽好感性..NOT 性感呀..

話說...每個星期3, 4我都同媽媽10:30就自動波轉去睇明珠台...本人都抱住外國月亮特別圓既心態..我都鍾意睇人地國家劇集多過." 土炮 "...適逢現家明珠做緊果套 " 心計 " 都好岩媽媽睇..所以我地個個星期都一齊坐定定睇..一路睇一路傾...遇正媽媽比人急CALL果時..佢第2日都會問返我" 邊個係 " Killer " 呢..

但琴日..係廣告時間..佢冇啦啦講左句野..令我有d 酸一酸.." 亞妹 你仲有7個月就結婚啦..家姐未嫁果時..你就成日去做運動..就家姐同我睇電視傾下計..你老豆就入房訓...現家就到你陪我睇電視..遲d..冇人陪我睇..我睇就睇唔睇就入房訓就好悶啦.."

我聽完覺得..下..媽媽原來你咁感性既..當然我冇講出來唔係佢就會話我串佢..or笑佢家啦..但以前有人問媽媽佢會唔會唔捨得果時佢都答得好自豪..." 喊咩呀..佢家姐又係嫁過對面( 隔一條馬路) 而我都係(我就同家姐隔一條馬路) 我地係黃金三角組合即係近到爆!!!!! 既然咁近..都會咁傷感既..真係.呀.我都有d 感動囉....係喎..數數下仲有半年...咋..真係煩..嫁又煩..唔嫁又煩...點呢..有咩為..呢..真係....我果時講少左1句 就係.." 媽媽睇電視咋..我沖埋涼過來睇完行返去都仲得啦" 咁就解決晒啦..本人有試過係一個廣告時間就順行由我新居返到外家啦...所以睇電視呢個問題可以解決..何況..我個新娘子咁鬼忙..可能到時我悶到痴住外家唔捨得走呢....