林記夜冷店

呢幾日返工主要的工作就是......................................."立" 嘢走!  因為公司的貨倉積存大量的貨物都會被棄置, 所以我地一班同事都紛紛忙碌地選取 一些精美的貨品自用又或者會放上拍賣網謀利~ 而我公司的貨品主要是一些metal case (如: 眼鏡盒, 咭片盒, 鏡盒, 煙盒, 煙灰盒.............................) 款式又多又靚, 經過我搜索了百幾箱貨後挑選了幾百樣貨品, 總數有七大箱之多, 連同事們都取笑我是否打算開間林記夜冷店賣嘢呢 攪到今日要ray ray放工後還上埋我公司幫我搬貨走, 之後我地一齊搭的士回家囉!

返到屋企我們一家人都興奮地一起拆箱觀賞, 而且玲玲還想到用來作她婚宴禮品之用!  果然幾好提議喎~ 衰妹又可以慳返筆~ (就當家姐送你的嫁妝啦!)

本應返埋明天便是最後一天了, 但今日公司的sales 經理不好意思地問我可否下星期返回公司一至兩天, 幫手完成之前已走貨的善後工作, 我當然一口應承啦!(畢竟是我的份內事嘛) 但到了收工的時候他居然突然給了我一封利是, 話就當是答謝我回來幫手的小小心意喎~~  當我打開利是時發現居然是一千蚊................  我立即對他表示不用給我那麼多呢! 話晒我都收足今個月的人工, 做回份內的工作是應份的~ 但他仍然堅拒收回並十分感激我仍能那麼盡責!  他實在太客氣了!   面對這班好同事好上司, 真的越來越令我吾捨得呢~